निगाह-ए-मस्त-ए-साक़ी का सलाम आया तो क्या होगा
अगर फिर तर्क-ए-तौबा का पयाम आया तो क्या होगा
हरम वाले तो पूछेंगे बता तू किस का बंदा है
ख़ुदा से पहले लब पर उन का नाम आया तो क्या होगा
मुझे मंज़ूर उन से मैं न बोलूँगा मगर नासेह
अगर उन की निगाहों का सलाम आया तो क्या होगा
चला है आदमी तसख़ीर-ए-मेहर-ओ-माह की ख़ातिर
मगर सय्याद ही ख़ुद ज़ेर-ए-दाम आया तो क्या होगा
मुझे तर्क-ए-तलब मंज़ूर लेकिन ये तो बतला दो
कोई ख़ुद ही लिए हाथों में जाम आया तो क्या होगा
मोहब्बत के लिए तर्क-ए-तअ'ल्लुक़ ही ज़रूरी हो
मोहब्बत में अगर ऐसा मक़ाम आया तो क्या होगा
जहाँ कुछ ख़ास लोगों पर निगाह-ए-लुत्फ़ है 'दर्शन'
अगर उस बज़्म में दौर-ए-अवाम आया तो क्या होगा
nigāh-e-mast-e-sāqī kā salām aayā to kyā hogā
agar phir tark-e-tauba kā payām aayā to kyā hogā
haram vaale to pūchheñge batā tū kis kā banda hai
ḳhudā se pahle lab par un kā naam aayā to kyā hogā
mujhe manzūr un se maiñ na bolūñgā magar nāseh
agar un kī nigāhoñ kā salām aayā to kyā hogā
chalā hai aadmī tasḳhīr-e-mehr-o-māh kī ḳhātir
magar sayyād hī ḳhud zer-e-dām aayā to kyā hogā
mujhe tark-e-talab manzūr lekin ye to batlā do
koī ḳhud hī liye hāthoñ meñ jaam aayā to kyā hogā
mohabbat ke liye tark-e-ta.alluq hī zarūrī ho
mohabbat meñ agar aisā maqām aayā to kyā hogā
jahāñ kuchh ḳhaas logoñ par nigāh-e-lutf hai 'darshan'
agar us bazm meñ daur-e-avām aayā to kyā hogā
نگاہ مست ساقی کا سلام آیا تو کیا ہوگا
اگر پھر ترک توبہ کا پیام آیا تو کیا ہوگا
حرم والے تو پوچھیں گے بتا تو کس کا بندہ ہے
خدا سے پہلے لب پر ان کا نام آیا تو کیا ہوگا
مجھے منظور ان سے میں نہ بولوں گا مگر ناصح
اگر ان کی نگاہوں کا سلام آیا تو کیا ہوگا
چلا ہے آدمی تسخیر مہر و ماہ کی خاطر
مگر صیاد ہی خود زیر دام آیا تو کیا ہوگا
مجھے ترک طلب منظور لیکن یہ تو بتلا دو
کوئی خود ہی لیے ہاتھوں میں جام آیا تو کیا ہوگا
محبت کے لئے ترک تعلق ہی ضروری ہو
محبت میں اگر ایسا مقام آیا تو کیا ہوگا
جہاں کچھ خاص لوگوں پر نگاہ لطف ہے درشنؔ
اگر اس بزم میں دور عوام آیا تو کیا ہوگا