नसीम-ए-सुब्ह परेशाँ है देखिए क्या हो
ख़िज़ाँ की ज़द में गुलिस्ताँ है देखिए क्या हो
गुलाब ज़र्द हुआ लाला दाग़-दार हुआ
शगूफ़ा ख़ौफ़ से लर्ज़ां है देखिए क्या हो
इरादा वहशत-ओ-ग़ारत-गरी है ज़ालिम का
निशाना शहर-ए-निगाराँ है देखिए क्या हो
वो अब्र जिस के बरसने से फूल खिलते थे
वो आज शो'ला-ब-दामाँ है देखिए क्या हो
लगी हैं यारों की आँखें नए हवादिस पर
हर एक आइना हैराँ है देखिए क्या हो
सभी रफ़ीक़-ओ-शफ़ीक़ आज छूटे जाते हैं
बदन से रूह गुरेज़ाँ है देखिए क्या हो
ग़म-ए-हयात से मुमकिन नहीं मफ़र लेकिन
नजात मिलने का इम्काँ है देखिए क्या हो
nasīm-e-sub.h pareshāñ hai dekhiye kyā ho
ḳhizāñ kī zad meñ gulistāñ hai dekhiye kyā ho
gulāb zard huā laala dāġh-dār huā
shagūfa ḳhauf se larzāñ hai dekhiye kyā ho
irāda vahshat-o-ġhārat-garī hai zālim kā
nishāna shahr-e-nigārāñ hai dekhiye kyā ho
vo abr jis ke barasne se phuul khilte the
vo aaj sho.ala-ba-dāmāñ hai dekhiye kyā ho
lagī haiñ yāroñ kī āñkheñ na.e havādis par
har ek aa.ina hairāñ hai dekhiye kyā ho
sabhī rafīq-o-shafīq aaj chhūTe jaate haiñ
badan se ruuh gurezāñ hai dekhiye kyā ho
ġham-e-hayāt se mumkin nahīñ mafar lekin
najāt milne kā imkāñ hai dekhiye kyā ho
نسیم صبح پریشاں ہے دیکھیے کیا ہو
خزاں کی زد میں گلستاں ہے دیکھیے کیا ہو
گلاب زرد ہوا لالہ داغدار ہوا
شگوفہ خوف سے لرزاں ہے دیکھیے کیا ہو
ارادہ وحشت و غارت گری ہے ظالم کا
نشانہ شہر نگاراں ہے دیکھیے کیا ہو
وہ ابر جس کے برسنے سے پھول کھلتے تھے
وہ آج شعلہ بداماں ہے دیکھیے کیا ہو
لگی ہیں یاروں کی آنکھیں نئے حوادث پر
ہر ایک آئنہ حیراں ہے دیکھیے کیا ہو
سبھی رفیق و شفیق آج چھوٹے جاتے ہیں
بدن سے روح گریزاں ہے دیکھیے کیا ہو
غم حیات سے ممکن نہیں مفر لیکن
نجات ملنے کا امکاں ہے دیکھیے کیا ہو