नसीब वस्ल तुम्हारा कहो तो क्यूँ-कर हो
फ़िराक़-ए-यार में तस्कीन हो तो क्यूँ-कर हो
तू अपने वा'दे का सच्चा जो हो तो क्यूँ-कर हो
ये तुझ से झूट की हो तर्क ख़ू तो क्यूँ-कर हो
न जल के ख़ाक हो जब तक कि मिस्ल-ए-परवाना
हो तैश दिल का हमारे फ़रो तो क्यूँ-कर हो
तिरे मरीज़ के गुर सौ 'इलाज हों लेकिन
शिफ़ा न उस के नसीबों में हो तो क्यूँ-कर हो
किसी पे राज़-ए-निहाँ दिल का तेरे ऐ आँखो
जो तुम न गिर्या से अफ़्शा करो तो क्यूँ-कर हो
ये हम भी चाहते हैं तर्क-ए-'इश्क़ हो लेकिन
जो दिल पे बस न हो ऐ नासेहो तो क्यूँ-कर हो
मिलें न ख़ाक में जब तक तुम्हारे कुश्ता-ए-नाज़
दमीदा ख़ाक से हो नाज़-ए-बू तो क्यूँ-कर हो
जिगर पे ज़ख़्म तो खाए मगर मज़ा हासिल
नमक-फ़िशाँ हो न वो जंग-जू तो क्यूँ-कर हो
करम कहाँ के सितम भी हो करते नाज़ से तुम
जो ये भी हो तो ग़नीमत है वो तो क्यूँ-कर हो
'ज़फ़र' जो हो न मोहब्बत में दिल से दिल को राह
वो मेरे हाल से आगाह हो तो क्यूँ-कर हो
nasīb vasl tumhārā kaho to kyūñ-kar ho
firāq-e-yār meñ taskīn ho to kyūñ-kar ho
tū apne vā'de kā sachchā jo ho to kyūñ-kar ho
ye tujh se jhuuT kī ho tark ḳhū to kyūñ-kar ho
na jal ke ḳhaak ho jab tak ki misl-e-parvāna
ho taish dil kā hamāre faro to kyūñ-kar ho
tire marīz ke gur sau 'ilāj hoñ lekin
shifā na us ke nasīboñ meñ ho to kyūñ-kar ho
kisī pe rāz-e-nihāñ dil kā tere ai āñkho
jo tum na girya se afshā karo to kyūñ-kar ho
ye ham bhī chāhte haiñ tark-e-'ishq ho lekin
jo dil pe bas na ho ai nāseho to kyūñ-kar ho
mileñ na ḳhaak meñ jab tak tumhāre kushta-e-nāz
damīda ḳhaak se ho nāz-e-bū to kyūñ-kar ho
jigar pe zaḳhm to khaa.e magar mazā hāsil
namak-fishāñ ho na vo jang-jū to kyūñ-kar ho
karam kahāñ ke sitam bhī ho karte naaz se tum
jo ye bhī ho to ġhanīmat hai vo to kyūñ-kar ho
'zafar' jo ho na mohabbat meñ dil se dil ko raah
vo mere haal se āgāh ho to kyūñ-kar ho
نصیب وصل تمہارا کہو تو کیوں کر ہو
فراق یار میں تسکین ہو تو کیوں کر ہو
تو اپنے وعدے کا سچا جو ہو تو کیوں کر ہو
یہ تجھ سے جھوٹ کی ہو ترک خو تو کیوں کر ہو
نہ جل کے خاک ہو جب تک کہ مثل پروانہ
ہو طیش دل کا ہمارے فرو تو کیوں کر ہو
ترے مریض کے گر سو علاج ہوں لیکن
شفا نہ اس کے نصیبوں میں ہو تو کیوں کر ہو
کسی پہ راز نہاں دل کا تیرے اے آنکھو
جو تم نہ گریہ سے افشا کرو تو کیوں کر ہو
یہ ہم بھی چاہتے ہیں ترک عشق ہو لیکن
جو دل پہ بس نہ ہو اے ناصحو تو کیوں کر ہو
ملیں نہ خاک میں جب تک تمھارے کشتۂ ناز
دمیدہ خاک سے ہو ناز بو تو کیوں کر ہو
جگر پہ زخم تو کھائے مگر مزا حاصل
نمک فشاں ہو نہ وہ جنگ جو تو کیوں کر ہو
کرم کہاں کے ستم بھی ہو کرتے ناز سے تم
جو یہ بھی ہو تو غنیمت ہے وہ تو کیوں کر ہو
ظفرؔ جو ہو نہ محبت میں دل سے دل کو راہ
وہ میرے حال سے آگاہ ہو تو کیوں کر ہو