नर्गिसीं आँख भी है अबरू-ए-ख़मदार के पास
दूसरी और भी तलवार है तलवार के पास
दुश्मनों का मिरी क़िस्मत से है क़ाबू मुझ पर
यार के पास है दिल यार है अग़्यार के पास
याद रखना जो हुई वादा-ख़िलाफ़ी उन की
बिस्तरा आन जमेगा तिरी दीवार के पास
क़ैदी-ए-ज़ुल्फ़ की क़िस्मत में है रुख़्सार की सैर
शुक्र है बाग़ भी है मुर्ग़-ए-गिरफ़्तार के पास
चेहरा भी बर्क़ भी दिल लेने में गेसू भी बला
एक सा मोजज़ा है काफ़िर ओ दीं-दार के पास
ग़ैर बे-जुर्म हैं और मैं हूँ वफ़ा का मुजरिम
कौन आता भला मुझ से गुनहगार के पास
क़ब्र में सोएँगे आराम से अब ब'अद-ए-फ़ना
आएगा ख़्वाब-ए-अदम दीदा-ए-बेदार के पास
उस की क्या वज्ह मिरे होते वहाँ क्यूँ न रहें
क्यूँ रहे ज़ुल्फ़-ए-सियह आप के रुख़्सार के पास
होशियारी से हो 'परवीं' चमन-ए-हुस्न की सैर
दाम और दाना हैं दोनों रुख़-ए-दिलदार के पास
nargisīñ aañkh bhī hai abru-e-ḳhamdār ke paas
dūsrī aur bhī talvār hai talvār ke paas
dushmanoñ kā mirī qismat se hai qaabū mujh par
yaar ke paas hai dil yaar hai aġhyār ke paas
yaad rakhnā jo huī va.ada-ḳhilāfī un kī
bistara aan jamegā tirī dīvār ke paas
qaidī-e-zulf kī qismat meñ hai ruḳhsār kī sair
shukr hai baaġh bhī hai murġh-e-giraftār ke paas
chehra bhī barq bhī dil lene meñ gesū bhī balā
ek sā mo.ajaza hai kāfir o dīñ-dār ke paas
ġhair be-jurm haiñ aur maiñ huuñ vafā kā mujrim
kaun aatā bhalā mujh se gunahgār ke paas
qabr meñ so.eñge ārām se ab ba.ad-e-fanā
aa.egā ḳhvāb-e-adam dīda-e-bedār ke paas
us kī kyā vaj.h mire hote vahāñ kyuuñ na raheñ
kyuuñ rahe zulf-e-siyah aap ke ruḳhsār ke paas
hoshiyārī se ho 'parvīñ' chaman-e-husn kī sair
daam aur daana haiñ donoñ ruḳh-e-dil-dār ke paas
نرگسیں آنکھ بھی ہے ابروئے خم دار کے پاس
دوسری اور بھی تلوار ہے تلوار کے پاس
دشمنوں کا مری قسمت سے ہے قابو مجھ پر
یار کے پاس ہے دل یار ہے اغیار کے پاس
یاد رکھنا جو ہوئی وعدہ خلافی ان کی
بسترہ آن جمے گا تری دیوار کے پاس
قیدیٔ زلف کی قسمت میں ہے رخسار کی سیر
شکر ہے باغ بھی ہے مرغ گرفتار کے پاس
چہرہ بھی برق بھی دل لینے میں گیسو بھی بلا
ایک سا معجزہ ہے کافر و دیں دار کے پاس
غیر بے جرم ہیں اور میں ہوں وفا کا مجرم
کون آتا بھلا مجھ سے گنہ گار کے پاس
قبر میں سوئیں گے آرام سے اب بعد فنا
آئے گا خواب عدم دیدۂ بے دار کے پاس
اس کی کیا وجہ مرے ہوتے وہاں کیوں نہ رہیں
کیوں رہے زلف سیہ آپ کے رخسار کے پاس
ہوشیاری سے ہو پرویںؔ چمن حسن کی سیر
دام اور دانہ ہیں دونوں رخ دل دار کے پاس