नहीं शौक़-ए-ख़रीदारी में दौड़े जा रहा है
ये गाहक सैर-ए-बाज़ारी में दौड़े जा रहा है
मयस्सर कुछ नहीं है खेल में ला-हासिली के
यूँही बे-कार बेकारी में दौड़े जा रहा है
उठाए फिर रहा है कोतवाल-ए-उम्र चाबुक
बदन मजबूर लाचारी में दौड़े जा रहा है
खड़ी है मंफ़अत हैरान बाहर दाएरे से
ज़ियाँ अपनी ज़ियाँ-कारी में दौड़े जा रहा है
ठहरना भी कहाँ है सहल इन सय्यारगाँ को
न साबित से ही सय्यारी में दौड़े जा रहा है
उतारा ख़्वाहिशों का है इज़ाफ़ी बोझ सर से
तो आसानी से दुश्वारी में दौड़े जा रहा है
नहीं हिम्मत कि जिस में हो ज़माने के मुक़ाबिल
वो अपने घर की रहदारी में दौड़े जा रहा है
नहीं मिलता मगर रौज़न कि निकले 'अक्स बाहर
पस-ए-आईना-ज़ंगारी में दौड़े जा रहा है
समेटा झूट की परकार ने है पेश-ओ-पस को
कि अब हर सच रिया-कारी में दौड़े जा रहा है
ख़बर है रुत बदलने की अगर रश्क-ए-सबा वो
ख़िराम-अंदाज़ गुलज़ारी में दौड़े जा रहा है
nahīñ shauq-e-ḳharīdārī meñ dauḌe jā rahā hai
ye gāhak sair-e-bāzārī meñ dauḌe jā rahā hai
mayassar kuchh nahīñ hai khel meñ lā-hāsilī ke
yūñhī be-kār bekārī meñ dauḌe jā rahā hai
uThā.e phir rahā hai kotvāl-e-umr chābuk
badan majbūr lāchārī meñ dauḌe jā rahā hai
khaḌī hai manfa.at hairān bāhar dā.ere se
ziyāñ apnī ziyāñ-kārī meñ dauḌe jā rahā hai
Thaharnā bhī kahāñ hai sahl in sayyārgāñ ko
na sābit se hī sayyārī meñ dauḌe jā rahā hai
utārā ḳhvāhishoñ kā hai izāfī bojh sar se
to āsānī se dushvārī meñ dauḌe jā rahā hai
nahīñ himmat ki jis meñ ho zamāne ke muqābil
vo apne ghar kī rahdārī meñ dauḌe jā rahā hai
nahīñ miltā magar rauzan ki nikle 'aks bāhar
pas-e-ā.īna-zañgārī meñ dauḌe jā rahā hai
sameTā jhuuT kī parkār ne hai pesh-o-pas ko
ki ab har sach riyā-kārī meñ dauḌe jā rahā hai
ḳhabar hai rut badalne kī agar rashk-e-sabā vo
ḳhirām-andāz gulzārī meñ dauḌe jā rahā hai
نہیں شوق خریداری میں دوڑے جا رہا ہے
یہ گاہک سیر بازاری میں دوڑے جا رہا ہے
میسر کچھ نہیں ہے کھیل میں لا حاصلی کے
یوںہی بیکار بیکاری میں دوڑے جا رہا ہے
اٹھائے پھر رہا ہے کوتوال عمر چابک
بدن مجبور لاچاری میں دوڑے جا رہا ہے
کھڑی ہے منفعت حیران باہر دائرے سے
زیاں اپنی زیاں کاری میں دوڑے جا رہا ہے
ٹھہرنا بھی کہاں ہے سہل ان سیارگاں کو
نہ ثابت سے ہی سیاری میں دوڑے جا رہا ہے
اتارا خواہشوں کا ہے اضافی بوجھ سر سے
تو آسانی سے دشواری میں دوڑے جا رہا ہے
نہیں ہمت کہ جس میں ہو زمانے کے مقابل
وہ اپنے گھر کی رہداری میں دوڑے جا رہا ہے
نہیں ملتا مگر روزن کہ نکلے عکس باہر
پس آئینہ زنگاری میں دوڑے جا رہا ہے
سمیٹا جھوٹ کی پرکار نے ہے پیش و پس کو
کہ اب ہر سچ ریاکاری میں دوڑے جا رہا ہے
خبر ہے رت بدلنے کی اگر رشک صبا وہ
خرام انداز گلزاری میں دوڑے جا رہا ہے