नफ़रत की आग जलने लगी तेरे शहर में
ये बात आज खलने लगी तेरे शहर में
जो आश्ना थे कल मिरे सब गुम कहाँ हुए
हिजरत की चाह पलने लगी तेरे शहर में
मरने का मारने का ये क्या दौर आ गया
जीने की आस टलने लगी तेरे शहर में
मेरा यहाँ से ठोर-ठिकाना उजड़ गया
आँधी अजीब चलने लगी तेरे शहर में
हर दिल में कौन भरने लगा दुश्मनी यहाँ
शफ़क़त भी हाथ मलने लगी तेरे शहर में
क़ुदरत ख़फ़ा हुई न कहीं लाए ज़लज़ला
करवट ज़मीं बदलने लगी तेरे शहर में
काली घटा की क़ैद में वो कब तलक रहे
अब चाँदनी मचलने लगी तेरे शहर में
nafrat kī aag jalne lagī tere shahr meñ
ye baat aaj khalne lagī tere shahr meñ
jo āshnā the kal mire sab gum kahāñ hue
hijrat kī chaah palne lagī tere shahr meñ
marne kā mārne kā ye kyā daur aa gayā
jiine kī aas Talne lagī tere shahr meñ
merā yahāñ se Thor-Thikāna ujaḌ gayā
āñdhī ajiib chalne lagī tere shahr meñ
har dil meñ kaun bharne lagā dushmanī yahāñ
shafqat bhī haath malne lagī tere shahr meñ
qudrat ḳhafā huī na kahīñ laa.e zalzala
karvaT zamīñ badalne lagī tere shahr meñ
kaalī ghaTā kī qaid meñ vo kab talak rahe
ab chāñdnī machalne lagī tere shahr meñ
نفرت کی آگ جلنے لگی تیرے شہر میں
یہ بات آج کھلنے لگی تیرے شہر میں
جو آشنا تھے کل مرے سب گم کہاں ہوئے
ہجرت کی چاہ پلنے لگی تیرے شہر میں
مرنے کا مارنے کا یہ کیا دور آ گیا
جینے کی آس ٹلنے لگی تیرے شہر میں
میرا یہاں سے ٹھور ٹھکانہ اجڑ گیا
آندھی عجیب چلنے لگی تیرے شہر میں
ہر دل میں کون بھرنے لگا دشمنی یہاں
شفقت بھی ہاتھ ملنے لگی تیرے شہر میں
قدرت خفا ہوئی نہ کہیں لائے زلزلہ
کروٹ زمیں بدلنے لگی تیرے شہر میں
کالی گھٹا کی قید میں وہ کب تلک رہے
اب چاندنی مچلنے لگی تیرے شہر میں