नए ग़म्ज़े नए अंदाज़ नज़र आते हैं
दिन-ब-दिन हुस्न के एजाज़ नज़र आते हैं
वो शहीद-ए-निगह-ए-नाज़ नज़र आते हैं
आज-कल और ही अंदाज़ नज़र आते हैं
सर झुकाए हुए चलता हूँ तिरे कूचे में
क्यूँकि सर-बाज़ ही सर-बाज़ नज़र आते हैं
बहुत ऊँचे न उड़े हैं न उड़ेंगे गेसू
ये कबूतर तो गिरह-बाज़ नज़र आते हैं
झूट ख़ुद बोलना उल्टा मुझे झूटा कहना
सच है दम-बाज़ों को दम-बाज़ नज़र आते हैं
भेज तो दी है ग़ज़ल देखिए ख़ुश हों कि न हों
कुछ खटकते होए अल्फ़ाज़ नज़र आते हैं
ग़म्ज़ा-ओ-नाज़-ओ-अदा मेहर-ओ-वफ़ा जौर-ओ-जफ़ा
सब के सब ख़ाना-बर-अंदाज़ नज़र आते हैं
लुत्फ़ आए जो शब-ए-वस्ल मोअज़्ज़िन सो जाए
क्यूँकि वो गोश-बर-आवाज़ नज़र आते हैं
उमर गुज़री हमीं सरकार पे मरते मरते
जान देते हैं तो जाँ-बाज़ नज़र आते हैं
बुलबुलों से नहीं गुलज़ार-ए-ज़माना ख़ाली
शुक्र है याँ भी हम-आवाज़ नज़र आते हैं
बद-गुमानी भी मोहब्बत का निशाँ है 'परवीं'
ग़लती हो तो हो नाराज़ नज़र आते हैं
na.e ġhamze na.e andāz nazar aate haiñ
din-ba-din husn ke e.ajāz nazar aate haiñ
vo shahīd-e-nigah-e-nāz nazar aate haiñ
āj-kal aur hī andāz nazar aate haiñ
sar jhukā.e hue chaltā huuñ tire kūche meñ
kyūñki sar-bāz hī sar-bāz nazar aate haiñ
bahut ūñche na uḌe haiñ na uḌeñge gesū
ye kabūtar to girah-bāz nazar aate haiñ
jhuuT ḳhud bolnā ulTā mujhe jhūTā kahnā
sach hai dam-bāzoñ ko dam-bāz nazar aate haiñ
bhej to dī hai ġhazal dekhiye ḳhush hoñ ki na hoñ
kuchh khaTakte ho.e alfāz nazar aate haiñ
ġhamza-o-nāz-o-adā mehr-o-vafā jaur-o-jafā
sab ke sab ḳhāna-bar-andāz nazar aate haiñ
lutf aa.e jo shab-e-vasl mo.azzin so jaa.e
kyūñki vo gosh-bar-āvāz nazar aate haiñ
umar guzrī hamīñ sarkār pe marte marte
jaan dete haiñ to jāñ-bāz nazar aate haiñ
bulbuloñ se nahīñ gulzār-e-zamāna ḳhālī
shukr hai yaañ bhī ham-āvāz nazar aate haiñ
bad-gumānī bhī mohabbat kā nishāñ hai 'parvīñ'
ġhalatī ho to ho nārāz nazar aate haiñ
نئے غمزے نئے انداز نظر آتے ہیں
دن بہ دن حسن کے اعجاز نظر آتے ہیں
وہ شہید نگہ ناز نظر آتے ہیں
آج کل اور ہی انداز نظر آتے ہیں
سر جھکائے ہوئے چلتا ہوں ترے کوچہ میں
کیونکہ سر باز ہی سر باز نظر آتے ہیں
بہت اونچے نہ اڑے ہیں نہ اڑیں گے گیسو
یہ کبوتر تو گرہ باز نظر آتے ہیں
جھوٹ خود بولنا الٹا مجھے جھوٹا کہنا
سچ ہے دم بازوں کو دم باز نظر آتے ہیں
بھیج تو دی ہے غزل دیکھیے خوش ہوں کہ نہ ہوں
کچھ کھٹکتے ہوئے الفاظ نظر آتے ہیں
غمزہ و ناز و ادا مہر و وفا جور و جفا
سب کے سب خانہ بر انداز نظر آتے ہیں
لطف آئے جو شب وصل موذن سو جائے
کیونکہ وہ گوش بر آواز نظر آتے ہیں
عمر گزری ہمیں سرکار پہ مرتے مرتے
جان دیتے ہیں تو جاں باز نظر آتے ہیں
بلبلوں سے نہیں گل زار زمانہ خالی
شکر ہے یاں بھی ہم آواز نظر آتے ہیں
بد گمانی بھی محبت کا نشاں ہے پرویںؔ
غلطی ہو تو ہو ناراض نظر آتے ہیں