नाज़ कर नाज़ कि ये नाज़ जुदा है सब से
मेरा लहजा मिरी आवाज़ जुदा है सब से
जुज़ मोहब्बत किसे मालूम कि वो चश्म-ए-हया
बात तो करती है अंदाज़ जुदा है सब से
जिस को भी मार दिया ज़िंदा-ए-जावेद किया
हर्फ़-ए-हक़ तेरा ये ए'जाज़ जुदा है सब से
देखना कौन है क्या उस को नहीं जान-ए-अज़ीज़
सर-ए-दरबार इक आवाज़ जुदा है सब से
टूट जाता है तो सुर और भी लौ देते हैं
दिल जिसे कहते हैं वो साज़ जुदा है सब से
सोच कर दाम बिछाना ज़रा ऐ मौज-ए-हवा
मेरे इंकार की परवाज़ जुदा है सब से
नश्शा-ए-दहर-ओ-क़यामत का तो क्या ज़िक्र 'उमीद'
वो मिरा सर्व-ए-सर-अफ़राज़ जुदा है सब से
naaz kar naaz ki ye naaz judā hai sab se
merā lahja mirī āvāz judā hai sab se
juz mohabbat kise ma.alūm ki vo chashm-e-hayā
baat to kartī hai andāz judā hai sab se
jis ko bhī maar diyā zinda-e-jāved kiyā
harf-e-haq terā ye e.ajāz judā hai sab se
dekhnā kaun hai kyā us ko nahīñ jān-e-azīz
sar-e-darbār ik āvāz judā hai sab se
TuuT jaatā hai to sur aur bhī lau dete haiñ
dil jise kahte haiñ vo saaz judā hai sab se
soch kar daam bichhānā zarā ai mauj-e-havā
mere inkār kī parvāz judā hai sab se
nashsha-e-dahr-o-qayāmat kā to kyā zikr 'umīd'
vo mirā sarv-e-sar-afrāz judā hai sab se
ناز کر ناز کہ یہ ناز جدا ہے سب سے
میرا لہجہ مری آواز جدا ہے سب سے
جز محبت کسے معلوم کہ وہ چشم حیا
بات تو کرتی ہے انداز جدا ہے سب سے
جس کو بھی مار دیا زندۂ جاوید کیا
حرف حق تیرا یہ اعجاز جدا ہے سب سے
دیکھنا کون ہے کیا اس کو نہیں جان عزیز
سر دربار اک آواز جدا ہے سب سے
ٹوٹ جاتا ہے تو سر اور بھی لو دیتے ہیں
دل جسے کہتے ہیں وہ ساز جدا ہے سب سے
سوچ کر دام بچھانا ذرا اے موج ہوا
میرے انکار کی پرواز جدا ہے سب سے
نشۂ دہر و قیامت کا تو کیا ذکر امیدؔ
وہ مرا سرو سرافراز جدا ہے سب سے