न कोई दोस्त दुश्मन हो शरीक-ए-दर्द-ओ-ग़म मेरा
सलामत मेरी गर्दन पर रहे बार-ए-अलम मेरा
लिखा ये दावर-ए-महशर ने मेरी फ़र्द-ए-'इस्याँ पर
ये वो बंदा है जिस पर नाज़ करता है करम मेरा
कहा ग़ुंचा ने हँस कर वाह क्या नैरंग-ए-'आलम है
वुजूद गुल जिसे समझे हैं सब है वो 'अदम मेरा
कशाकश है उम्मीद-ओ-यास की ये ज़िंदगी क्या है
इलाही ऐसी हस्ती से तो अच्छा था 'अदम मेरा
दिल-ए-अहबाब में घर है शगुफ़्ता रहती है ख़ातिर
यही जन्नत है मेरी और यही बाग़-ए-इरम मेरा
मुझे अहबाब की पुर्सिश की ग़ैरत मार डालेगी
क़यामत है अगर इफ़्शा हुआ राज़-ए-अलम मेरा
खड़ी थीं रास्ता रोके हुए लाखों तमन्नाएँ
शहीद-ए-यास हूँ निकला है किस मुश्किल से दम मेरा
ख़ुदा ने 'इल्म बख़्शा है अदब अहबाब करते हैं
यही दौलत है मेरी और यही जाह-ओ-हशम मेरा
ज़बान-ए-हाल से ये लखनऊ की ख़ाक कहती है
मिटाया गर्दिश-ए-अफ़्लाक ने जाह-ओ-हशम मेरा
किया है फ़ाश पर्दा कुफ़्र-ओ-दीं का इस क़दर मैं ने
कि दुश्मन है बरहमन और 'अदू शैख़-ए-हरम मेरा
na koī dost dushman ho sharīk-e-dard-o-ġham merā
salāmat merī gardan par rahe bār-e-alam merā
likhā ye dāvar-e-mahshar ne merī fard-e-'isyāñ par
ye vo banda hai jis par naaz kartā hai karam merā
kahā ġhuncha ne hañs kar vaah kyā nairañg-e-'ālam hai
vujūd gul jise samjhe haiñ sab hai vo 'adam merā
kashākash hai ummīd-o-yās kī ye zindagī kyā hai
ilāhī aisī hastī se to achchhā thā 'adam merā
dil-e-ahbāb meñ ghar hai shagufta rahtī hai ḳhātir
yahī jannat hai merī aur yahī bāġh-e-iram merā
mujhe ahbāb kī pursish kī ġhairat maar Dālegī
qayāmat hai agar ifshā huā rāz-e-alam merā
khaḌī thiiñ rāsta roke hue lākhoñ tamannā.eñ
shahīd-e-yās huuñ niklā hai kis mushkil se dam merā
ḳhudā ne 'ilm baḳhshā hai adab ahbāb karte haiñ
yahī daulat hai merī aur yahī jāh-o-hasham merā
zabān-e-hāl se ye lucknow kī ḳhaak kahtī hai
miTāyā gardish-e-aflāk ne jāh-o-hasham merā
kiyā hai faash parda kufr-o-dīñ kā is qadar maiñ ne
ki dushman hai barhaman aur 'adū shaiḳh-e-haram merā
نہ کوئی دوست دشمن ہو شریک درد و غم میرا
سلامت میری گردن پر رہے بار الم میرا
لکھا یہ داور محشر نے میری فرد عصیاں پر
یہ وہ بندہ ہے جس پر ناز کرتا ہے کرم میرا
کہا غنچہ نے ہنس کر واہ کیا نیرنگ عالم ہے
وجود گل جسے سمجھے ہیں سب ہے وہ عدم میرا
کشاکش ہے امید و یاس کی یہ زندگی کیا ہے
الٰہی ایسی ہستی سے تو اچھا تھا عدم میرا
دل احباب میں گھر ہے شگفتہ رہتی ہے خاطر
یہی جنت ہے میری اور یہی باغ ارم میرا
مجھے احباب کی پرسش کی غیرت مار ڈالے گی
قیامت ہے اگر افشا ہوا راز الم میرا
کھڑی تھیں راستہ روکے ہوئے لاکھوں تمنائیں
شہید یاس ہوں نکلا ہے کس مشکل سے دم میرا
خدا نے علم بخشا ہے ادب احباب کرتے ہیں
یہی دولت ہے میری اور یہی جاہ و حشم میرا
زبان حال سے یہ لکھنؤ کی خاک کہتی ہے
مٹایا گردش افلاک نے جاہ و حشم میرا
کیا ہے فاش پردہ کفر و دیں کا اس قدر میں نے
کہ دشمن ہے برہمن اور عدو شیخ حرم میرا