फ़ना का होश आना ज़िंदगी का दर्द-ए-सर जाना
अजल क्या है ख़ुमार-ए-बादा-ए-हस्ती उतर जाना
अज़ीज़ान-ए-वतन को ग़ुंचा ओ बर्ग ओ समर जाना
ख़ुदा को बाग़बाँ और क़ौम को हम ने शजर जाना
उरूस-ए-जाँ नया पैराहन-ए-हस्ती बदलती है
फ़क़त तम्हीद आने की है दुनिया से गुज़र जाना
मुसीबत में बशर के जौहर-ए-मर्दाना खुलते हैं
मुबारक बुज़दिलों को गर्दिश-ए-क़िस्मत से डर जाना
वो तब'-ए-यास-परवर ने मुझे चश्म-ए-अक़ीदत दी
कि शाम-ए-ग़म की तारीकी को भी नूर-ए-सहर जाना
बहुत सौदा रहा वाइज़ तुझे नार-ए-जहन्नम का
मज़ा सोज़-ए-मोहब्बत का भी कुछ ऐ बे-ख़बर जाना
करिश्मा ये भी है ऐ बे-ख़बर इफ़्लास-ए-क़ौमी का
तलाश-ए-रिज़्क़ में अहल-ए-हुनर का दर-ब-दर जाना
अजल की नींद में भी ख़्वाब-ए-हस्ती गर नज़र आया
तो फिर बेकार है तंग आ के इस दुनिया से मर जाना
वो सौदा ज़िंदगी का है कि ग़म इंसान सहता है
नहीं तो है बहुत आसान इस जीने से मर जाना
चमन-ज़ार-ए-मोहब्ब्बत में उसी ने बाग़बानी की
कि जिस ने अपनी मेहनत को ही मेहनत का समर जाना
सिधारी मंज़िल-ए-हस्ती से कुछ बे-ए'तिनाई से
तन-ए-ख़ाकी को शायद रूह ने गर्द-ए-सफ़र जाना
fanā kā hosh aanā zindagī kā dard-e-sar jaanā
ajal kyā hai ḳhumār-e-bāda-e-hastī utar jaanā
azīzān-e-vatan ko ġhuncha o barg o samar jaanā
ḳhudā ko bāġhbāñ aur qaum ko ham ne shajar jaanā
urūs-e-jāñ nayā pairāhan-e-hastī badaltī hai
faqat tamhīd aane kī hai duniyā se guzar jaanā
musībat meñ bashar ke jauhar-e-mardāna khulte haiñ
mubārak buz-diloñ ko gardish-e-qismat se Dar jaanā
vo tab'-e-yās-parvar ne mujhe chashm-e-aqīdat dī
ki shām-e-ġham kī tārīkī ko bhī nūr-e-sahar jaanā
bahut saudā rahā vaa.iz tujhe nār-e-jahannam kā
maza soz-e-mohabbat kā bhī kuchh ai be-ḳhabar jaanā
karishma ye bhī hai ai be-ḳhabar iflās-e-qaumī kā
talāsh-e-rizq meñ ahl-e-hunar kā dar-ba-dar jaanā
ajal kī niiñd meñ bhī ḳhvāb-e-hastī gar nazar aayā
to phir bekār hai tang aa ke is duniyā se mar jaanā
vo saudā zindagī kā hai ki ġham insān sahtā hai
nahīñ to hai bahut āsān is jiine se mar jaanā
chaman-zār-e-mohabbat meñ usī ne bāġhbānī kī
ki jis ne apnī mehnat ko hī mehnat kā samar jaanā
sidhārī manzil-e-hastī se kuchh be-e'tinā.ī se
tan-e-ḳhākī ko shāyad ruuh ne gard-e-safar jaanā
فنا کا ہوش آنا زندگی کا درد سر جانا
اجل کیا ہے خمار بادۂ ہستی اتر جانا
عزیزان وطن کو غنچہ و برگ و ثمر جانا
خدا کو باغباں اور قوم کو ہم نے شجر جانا
عروس جاں نیا پیراہن ہستی بدلتی ہے
فقط تمہید آنے کی ہے دنیا سے گزر جانا
مصیبت میں بشر کے جوہر مردانہ کھلتے ہیں
مبارک بزدلوں کو گردش قسمت سے ڈر جانا
وہ طبع یاس پرور نے مجھے چشم عقیدت دی
کہ شام غم کی تاریکی کو بھی نور سحر جانا
بہت سودا رہا واعظ تجھے نار جہنم کا
مزہ سوز محبت کا بھی کچھ اے بے خبر جانا
کرشمہ یہ بھی ہے اے بے خبر افلاس قومی کا
تلاش رزق میں اہل ہنر کا در بدر جانا
اجل کی نیند میں بھی خواب ہستی گر نظر آیا
تو پھر بے کار ہے تنگ آ کے اس دنیا سے مر جانا
وہ سودا زندگی کا ہے کہ غم انسان سہتا ہے
نہیں تو ہے بہت آسان اس جینے سے مر جانا
چمن زار محبت میں اسی نے باغبانی کی
کہ جس نے اپنی محنت کو ہی محنت کا ثمر جانا
سدھاری منزل ہستی سے کچھ بے اعتنائی سے
تن خاکی کو شاید روح نے گرد سفر جانا