दिल किए तस्ख़ीर बख़्शा फ़ैज़-ए-रूहानी मुझे
हुब्ब-ए-क़ौमी हो गया नक़्श-ए-सुलैमानी मुझे
मंज़िल-ए-इबरत है दुनिया अहल-ए-दुनिया शाद हैं
ऐसी दिल-जमई से होती है परेशानी मुझे
जाँचता हूँ वुसअत-ए-दिल हमला-ए-ग़म के लिए
इम्तिहाँ है रंज-ओ-हिरमाँ की फ़रावानी मुझे
हक़-परस्ती की जो मैं ने बुत-परस्ती छोड़ कर
बरहमन कहने लगे इल्हाद का बानी मुझे
कुल्फ़त-ए-दुनिया मिटे भी तो सख़ी के फ़ैज़ से
हाथ धोने को मिले बहता हुआ पानी मुझे
ख़ुद-परस्ती मिट गई क़द्र-ए-मोहब्बत बढ़ गई
मातम-ए-अहबाब है तालीम-ए-रूहानी मुझे
क़ौम का ग़म मोल ले कर दिल का ये आलम हुआ
याद भी आती नहीं अपनी परेशानी मुझे
ज़र्रा ज़र्रा है मिरे कश्मीर का मेहमाँ-नवाज़
राह में पत्थर के टुकड़ों ने दिया पानी मुझे
लखनऊ में फिर हुई आरास्ता बज़्म-ए-सुख़न
बाद मुद्दत फिर हुआ ज़ौक़-ए-ग़ज़ल-ख़्वानी मुझे
dil kiye tasḳhīr baḳhshā faiz-e-rūhānī mujhe
hubb-e-qaumī ho gayā naqsh-e-sulaimānī mujhe
manzil-e-ibrat hai duniyā ahl-e-duniyā shaad haiñ
aisī dil-jam.ī se hotī hai pareshānī mujhe
jāñchtā huuñ vus.at-e-dil hamla-e-ġham ke liye
imtihāñ hai ranj-o-hirmāñ kī farāvānī mujhe
haq-parastī kī jo maiñ ne but-parastī chhoḌ kar
barhaman kahne lage ilhād kā baanī mujhe
kulfat-e-duniyā miTe bhī to saḳhī ke faiz se
haath dhone ko mile bahtā huā paanī mujhe
ḳhud-parastī miT ga.ī qadr-e-mohabbat baḌh ga.ī
mātam-e-ahbāb hai tālīm-e-rūhānī mujhe
qaum kā ġham mol le kar dil kā ye aalam huā
yaad bhī aatī nahīñ apnī pareshānī mujhe
zarra zarra hai mire kashmīr kā mehmāñ-navāz
raah meñ patthar ke TukḌoñ ne diyā paanī mujhe
lucknow meñ phir huī ārāsta bazm-e-suḳhan
baad muddat phir huā zauq-e-ġhazal-ḳhvānī mujhe
دل کیے تسخیر بخشا فیض روحانی مجھے
حب قومی ہو گیا نقش سلیمانی مجھے
منزل عبرت ہے دنیا اہل دنیا شاد ہیں
ایسی دلجمعی سے ہوتی ہے پریشانی مجھے
جانچتا ہوں وسعت دل حملۂ غم کے لیے
امتحاں ہے رنج و حرماں کی فراوانی مجھے
حق پرستی کی جو میں نے بت پرستی چھوڑ کر
برہمن کہنے لگے الحاد کا بانی مجھے
کلفت دنیا مٹے بھی تو سخی کے فیض سے
ہاتھ دھونے کو ملے بہتا ہوا پانی مجھے
خود پرستی مٹ گئی قدر محبت بڑھ گئی
ماتم حباب ہے تعلیم روحانی مجھے
قوم کا غم مول لے کر دل کا یہ عالم ہوا
یاد بھی آتی نہیں اپنی پریشانی مجھے
ذرہ ذرہ ہے مرے کشمیر کا مہماں نواز
راہ میں پتھر کے ٹکڑوں نے دیا پانی مجھے
لکھنؤ میں پھر ہوئی آراستہ بزم سخن
بعد مدت پھر ہوا ذوق غزل خوانی مجھے