दिल ही बुझा हुआ है तो लुत्फ़-ए-बहार क्या
साक़ी है क्या शराब है क्या सब्ज़ा-ज़ार क्या
ये दिल की ताज़गी है वो दिल की फ़सुर्दगी
इस गुलशन-ए-जहाँ की ख़िज़ाँ क्या बहार क्या
जिस की क़फ़स में आँख खुली हो मिरी तरह
उस के लिए चमन की ख़िज़ाँ क्या बहार क्या
बाद-ए-फ़ना फ़ुज़ूल है नाम-ओ-निशाँ की फ़िक्र
जब हम नहीं रहे तो रहेगा मज़ार क्या
आ'माल का तिलिस्म है नैरंग-ए-रोज़गार
तक़दीर क्या है गर्दिश-ए-लैल-ओ-नहार क्या
तफ़्सीर-ए-हाल-ए-ज़ार है बस इक निगाह-ए-यास
हो दास्तान-ए-दर्द का और इख़्तिसार क्या
छिटकी हुई है गोर-ए-ग़रीबाँ पे चाँदनी
है बेकसों को फ़िक्र-ए-चराग़-ए-मज़ार क्या
dil hī bujhā huā hai to lutf-e-bahār kyā
saaqī hai kyā sharāb hai kyā sabza-zār kyā
ye dil kī tāzgī hai vo dil kī fasurdagī
is gulshan-e-jahāñ kī ḳhizāñ kyā bahār kyā
jis kī qafas meñ aañkh khulī ho mirī tarah
us ke liye chaman kī ḳhizāñ kyā bahār kyā
bād-e-fanā fuzūl hai nām-o-nishāñ kī fikr
jab ham nahīñ rahe to rahegā mazār kyā
ā'māl kā tilism hai nairang-e-rozgār
taqdīr kyā hai gardish-e-lail-o-nahār kyā
tafsīr-e-hāl-e-zār hai bas ik nigāh-e-yās
ho dāstān-e-dard kā aur iḳhtisār kyā
chhiTkī huī hai gor-e-ġharībāñ pe chāñdnī
hai bekasoñ ko fikr-e-charāġh-e-mazār kyā
دل ہی بجھا ہوا ہے تو لطف بہار کیا
ساقی ہے کیا شراب ہے کیا سبزہ زار کیا
یہ دل کی تازگی ہے وہ دل کی فسردگی
اس گلشن جہاں کی خزاں کیا بہار کیا
جس کی قفس میں آنکھ کھلی ہو مری طرح
اس کے لیے چمن کی خزاں کیا بہار کیا
بعد فنا فضول ہے نام و نشاں کی فکر
جب ہم نہیں رہے تو رہے گا مزار کیا
اعمال کا طلسم ہے نیرنگ روزگار
تقدیر کیا ہے گردش لیل و نہار کیا
تفسیر حال زار ہے بس اک نگاہ یاس
ہو داستان درد کا اور اختصار کیا
چھٹکی ہوئی ہے گور غریباں پہ چاندنی
ہے بیکسوں کو فکر چراغ مزار کیا