न-जाने किस की दु'आ है कि काम चल रहा है
कोई निज़ाम नहीं और निज़ाम चल रहा है
रह-ए-वफ़ा में बिछे हैं जफ़ा के अंगारे
जो चल रहा है वो दो-चार गाम चल रहा है
कई अदीबों के नामर्द हो चुके हैं क़लम
कई बरस से फ़क़त उन का नाम चल रहा है
ख़बर मिली है कि आक़ा-परस्त बस्ती में
किसी के पीछे किसी का ग़ुलाम चल रहा है
जो खा चुका है हमारे शकेब और सर्वत
सुख़न-कदों में वही हर्फ़-ए-ख़ाम चल रहा है
मैं जानता हूँ जो ना-शा’इरों की है क़ीमत
मैं जानता हूँ जो इन सब का दाम चल रहा है
है सब्त मुहर-ए-सिफ़ारिश हसीन जिस्मों पर
अदब की मंडी में माल-ए-हराम चल रहा है
तुझे ख़बर नहीं 'वासिफ़' बदन के सिक्के की
ऐ मेरे दोस्त ये सिक्का तो 'आम चल रहा है
na-jāne kis kī du'ā hai ki kaam chal rahā hai
koī nizām nahīñ aur nizām chal rahā hai
rah-e-vafā meñ bichhe haiñ jafā ke angāre
jo chal rahā hai vo do-chār gaam chal rahā hai
ka.ī adīboñ ke nāmard ho chuke haiñ qalam
ka.ī baras se faqat un kā naam chal rahā hai
ḳhabar milī hai ki āqā-parast bastī meñ
kisī ke pīchhe kisī kā ġhulām chal rahā hai
jo khā chukā hai hamāre shakeb aur sarvat
suḳhan-kadoñ meñ vahī harf-e-ḳhām chal rahā hai
maiñ jāntā huuñ jo nā-shā’iroñ kī hai qīmat
maiñ jāntā huuñ jo in sab kā daam chal rahā hai
hai sabt muhr-e-sifārish hasīn jismoñ par
adab kī manDī meñ māl-e-harām chal rahā hai
tujhe ḳhabar nahīñ 'vāsif' badan ke sikke kī
ai mere dost ye sikka to 'aam chal rahā hai
نجانے کس کی دعا ہے کہ کام چل رہا ہے
کوئی نظام نہیں اور نظام چل رہا ہے
رہ وفا میں بچھے ہیں جفا کے انگارے
جو چل رہا ہے وہ دو چار گام چل رہا ہے
کئی ادیبوں کے نامرد ہو چکے ہیں قلم
کئی برس سے فقط ان کا نام چل رہا ہے
خبر ملی ہے کہ آقا پرست بستی میں
کسی کے پیچھے کسی کا غلام چل رہا ہے
جو کھا چکا ہے ہمارے شکیب اور ثروت
سخن کدوں میں وہی حرف خام چل رہا ہے
میں جانتا ہوں جو نا شاعروں کی ہے قیمت
میں جانتا ہوں جو ان سب کا دام چل رہا ہے
ہے ثبت مہر سفارش حسین جسموں پر
ادب کی منڈی میں مال حرام چل رہا ہے
تجھے خبر نہیں واصفؔ بدن کے سکے کی
اے میرے دوست یہ سکہ تو عام چل رہا ہے