न दो दुश्नाम हम को इतनी बद-ख़़ूई से क्या हासिल
तुम्हें देना ही होगा बोसा ख़म-रूई से क्या हासिल
दिल-आज़ारी ने तेरी कर दिया बिल्कुल मुझे बे-दिल
न कर अब मेरी दिल-जूई कि दिल-जूई से क्या हासिल
न जब तक चाक हो दिल फाँस कब दिल की निकलती है
जहाँ हो काम ख़ंजर का वहाँ सूई से क्या हासिल
बुराई या भलाई गो है अपने वास्ते लेकिन
किसी को क्यूँ कहें हम बद कि बद-गूई से क्या हासिल
न कर फ़िक्र-ए-ख़िज़ाब ऐ शैख़ तू पीरी में जाने दे
जवाँ होना नहीं मुमकिन सियह-रूई से क्या हासिल
चढ़ाए आस्तीं ख़ंजर-ब-कफ़ वो यूँ जो फिरता है
उसे क्या जाने है उस अरबदा-जूई से क्या हासिल
'अबस पम्बा न रख दाग़-ए-दिल-ए-सोज़ाँ पे तू मेरे
कि अंगारे पे होगा चारागर रूई से क्या हासिल
शमीम-ए-ज़ुल्फ़ हो उस की तो हो फ़रहत मिरे दिल को
सबा होवेगा मुश्क-ए-चीं की ख़ुशबूई से क्या हासिल
न होवे जब तलक इंसाँ को दिल से मेल-ए-यक-जानिब
'ज़फ़र' लोगों के दिखलाने को यकसूई से क्या हासिल
na do dushnām ham ko itnī bad-ḳhūī se kyā hāsil
tumheñ denā hī hogā bosa ḳham-rūī se kyā hāsil
dil-āzārī ne terī kar diyā bilkul mujhe be-dil
na kar ab merī dil-jūī ki dil-jūī se kyā hāsil
na jab tak chaak ho dil phāñs kab dil kī nikaltī hai
jahāñ ho kaam ḳhanjar kā vahāñ suuī se kyā hāsil
burā.ī yā bhalā.ī go hai apne vāste lekin
kisī ko kyuuñ kaheñ ham bad ki bad-gūī se kyā hāsil
na kar fikr-e-ḳhizāb ai shaiḳh tū piirī meñ jaane de
javāñ honā nahīñ mumkin siyah-rūī se kyā hāsil
chaḌhā.e āstīñ ḳhanjar-ba-kaf vo yuuñ jo phirtā hai
use kyā jaane hai us arbada-jūī se kyā hāsil
'abas pamba na rakh dāġh-e-dil-e-sozāñ pe tū mere
ki angāre pe hogā chāragar ruuī se kyā hāsil
shamīm-e-zulf ho us kī to ho farhat mire dil ko
sabā hovegā mushk-e-chīñ kī ḳhushbūī se kyā hāsil
na hove jab talak insāñ ko dil se mel-e-yak-jānib
'zafar' logoñ ke dikhlāne ko yaksūī se kyā hāsil
نہ دو دشنام ہم کو اتنی بد خوئی سے کیا حاصل
تمہیں دینا ہی ہوگا بوسہ خم روئی سے کیا حاصل
دل آزاری نے تیری کر دیا بالکل مجھے بیدل
نہ کر اب میری دل جوئی کہ دل جوئی سے کیا حاصل
نہ جب تک چاک ہو دل پھانس کب دل کی نکلتی ہے
جہاں ہو کام خنجر کا وہاں سوئی سے کیا حاصل
برائی یا بھلائی گو ہے اپنے واسطے لیکن
کسی کو کیوں کہیں ہم بد کہ بد گوئی سے کیا حاصل
نہ کر فکر خضاب اے شیخ تو پیری میں جانے دے
جواں ہونا نہیں ممکن سیہ روئی سے کیا حاصل
چڑھائے آستیں خنجر بکف وہ یوں جو پھرتا ہے
اسے کیا جانے ہے اس عربدہ جوئی سے کیا حاصل
عبث پنبہ نہ رکھ داغ دل سوزاں پہ تو میرے
کہ انگارے پہ ہوگا چارہ گر روئی سے کیا حاصل
شمیم زلف ہو اس کی تو ہو فرحت مرے دل کو
صبا ہووے گا مشک چیں کی خوشبوئی سے کیا حاصل
نہ ہووے جب تلک انساں کو دل سے میل یک جانب
ظفرؔ لوگوں کے دکھلانے کو یکسوئی سے کیا حاصل