न दाइम ग़म है ने इशरत कभी यूँ है कभी वूँ है
तबद्दुल याँ है हर साअ'त कभी यूँ है कभी वूँ है
गरेबाँ-चाक हूँ गाहे उड़ाता ख़ाक हूँ गाहे
लिए फिरती मुझे वहशत कभी यूँ है कभी वूँ है
अभी हैं वो मिरे हमदम अभी हो जाएँगे दुश्मन
नहीं इक वज़्अ पर सोहबत कभी यूँ है कभी वूँ है
जो शक्ल-ए-शीशा गिर्यां हूँ तो मिस्ल-ए-जाम ख़ंदाँ हूँ
यही है याँ की कैफ़िय्यत कभी यूँ है कभी वूँ है
किसी वक़्त अश्क हैं जारी किसी वक़्त आह और ज़ारी
ग़रज़ हाल-ए-ग़म-ए-फ़ुर्क़त कभी यूँ है कभी वूँ है
कोई दिन है बहार-ए-गुल फिर आख़िर है ख़िज़ाँ बिल्कुल
चमन है मंज़िल-ए-इबरत कभी यूँ है कभी वूँ है
'ज़फ़र' इक बात पर दाइम वो होवे किस तरह क़ाइम
जो अपनी फेरता निय्यत कभी यूँ है कभी वूँ है
na daa.im ġham hai ne ishrat kabhī yuuñ hai kabhī vuuñ hai
tabaddul yaañ hai har saa.at kabhī yuuñ hai kabhī vuuñ hai
garebāñ-chāk huuñ gaahe uḌātā ḳhaak huuñ gaahe
liye phirtī mujhe vahshat kabhī yuuñ hai kabhī vuuñ hai
abhī haiñ vo mire hamdam abhī ho jā.eñge dushman
nahīñ ik vaz.a par sohbat kabhī yuuñ hai kabhī vuuñ hai
jo shakl-e-shīsha giryāñ huuñ to misl-e-jām ḳhandāñ huuñ
yahī hai yaañ kī kaifiyyat kabhī yuuñ hai kabhī vuuñ hai
kisī vaqt ashk haiñ jaarī kisī vaqt aah aur zaarī
ġharaz hāl-e-ġham-e-furqat kabhī yuuñ hai kabhī vuuñ hai
koī din hai bahār-e-gul phir āḳhir hai ḳhizāñ bilkul
chaman hai manzil-e-ibrat kabhī yuuñ hai kabhī vuuñ hai
'zafar' ik baat par daa.im vo hove kis tarah qaa.im
jo apnī phertā niyyat kabhī yuuñ hai kabhī vuuñ hai
نہ دائم غم ہے نے عشرت کبھی یوں ہے کبھی ووں ہے
تبدل یاں ہے ہر ساعت کبھی یوں ہے کبھی ووں ہے
گریباں چاک ہوں گاہے اڑاتا خاک ہوں گاہے
لیے پھرتی مجھے وحشت کبھی یوں ہے کبھی ووں ہے
ابھی ہیں وہ مرے ہم دم ابھی ہو جائیں گے دشمن
نہیں اک وضع پر صحبت کبھی یوں ہے کبھی ووں ہے
جو شکل شیشہ گریاں ہوں تو مثل جام خنداں ہوں
یہی ہے یاں کی کیفیت کبھی یوں ہے کبھی ووں ہے
کسی وقت اشک ہیں جاری کسی وقت آہ اور زاری
غرض حال غم فرقت کبھی یوں ہے کبھی ووں ہے
کوئی دن ہے بہار گل پھر آخر ہے خزاں بالکل
چمن ہے منزل عبرت کبھی یوں ہے کبھی ووں ہے
ظفرؔ اک بات پر دائم وہ ہووے کس طرح قائم
جو اپنی پھیرتا نیت کبھی یوں ہے کبھی ووں ہے