न छेड़ नाम-ओ-नसब और नस्ल-ओ-रंग की बात
कि चल निकलती है अक्सर यहीं से जंग की बात
तुम्हारे शहर में किस किस को आइना दिखलाएँ
हज़ार तरह के चेहरे हज़ार रंग की बात
हर एक बात पे ता'ना हर एक बात पे तंज़
कभी तो यार किया कर किसी से ढंग की बात
मैं उस के वा'दा-ए-फ़र्दा पे क्या यक़ीं करता
हँसी में टाल गया एक शोख़-ओ-शंग की बात
उठा है संग-ए-मलामत ब-नाम-ए-शीशा-ए-दिल
क़रार पाई है शीशे के साथ संग की बात
अजीब हाल है यारों की बे-हिसी का 'ज़फ़र'
सुकूत-ए-मर्ग का आलम रबाब-ओ-चंग की बात
na chheḌ nām-o-nasab aur nasl-o-rang kī baat
ki chal nikaltī hai aksar yahīñ se jang kī baat
tumhāre shahr meñ kis kis ko aa.ina dikhlā.eñ
hazār tarah ke chehre hazār rang kī baat
har ek baat pe ta.ana har ek baat pe tanz
kabhī to yaar kiyā kar kisī se Dhang kī baat
maiñ us ke va.ada-e-fardā pe kyā yaqīñ kartā
hañsī meñ Taal gayā ek shoḳh-o-shang kī baat
uThā hai sañg-e-malāmat ba-nām-e-shīsha-e-dil
qarār paa.ī hai shīshe ke saath sang kī baat
ajiib haal hai yāroñ kī be-hisī kā 'zafar'
sukūt-e-marg kā aalam rabāb-o-chang kī baat
نہ چھیڑ نام و نسب اور نسل و رنگ کی بات
کہ چل نکلتی ہے اکثر یہیں سے جنگ کی بات
تمہارے شہر میں کس کس کو آئنہ دکھلائیں
ہزار طرح کے چہرے ہزار رنگ کی بات
ہر ایک بات پہ طعنہ ہر ایک بات پہ طنز
کبھی تو یار کیا کر کسی سے ڈھنگ کی بات
میں اس کے وعدۂ فردا پہ کیا یقیں کرتا
ہنسی میں ٹال گیا ایک شوخ و شنگ کی بات
اٹھا ہے سنگ ملامت بہ نام شیشۂ دل
قرار پائی ہے شیشے کے ساتھ سنگ کی بات
عجیب حال ہے یاروں کی بے حسی کا ظفرؔ
سکوت مرگ کا عالم رباب و چنگ کی بات