न आया कर के व'अदा वस्ल का इक़रार था क्या था
किसी के बस में था मजबूर था लाचार था क्या था
बुरा हो बद-गुमानी का वो नामा ग़ैर का समझा
हमारे हाथ में तो परचा-ए-अख़बार था क्या था
सदा सुनते ही गोया मुर्दनी सी छा गई मुझ पर
ये शोर-ए-सूर था या वस्ल का इंकार था क्या था
ख़ुदा का दोस्त है तामीर-ए-दिल जो शख़्स करता हो
ख़लीलुल्लाह भी काबा का इक मेमार था क्या था
न आए तुम न आओ मैं ने क्या कुछ मिन्नतें की थीं
तुम्हीं ने ख़ुद किया था अहद ये इक़रार था क्या था
हवा में जब उड़ा पर्दा तो इक बिजली सी कौंदी थी
ख़ुदा जाने तुम्हारा परतव-ए-रुख़्सार था क्या था
मिला तू हम से महफ़िल में जो शब को ग़ैर क्यूँ बिगड़ा
तिरा हाकिम था ठेका-दार था मुख़्तार था क्या था
मिरी मय्यत पे मातम करते हो अल्लाह-रे चालाकी
ख़बर है ख़ुद तुम्हें मुद्दत से मैं बीमार था क्या था
हज़ारों हसरतें बेताब थीं बाहर निकलने को
वो सोते में भी 'परवीं' फ़ित्ना-ए-बेदार था क्या था
na aayā kar ke va.ada vasl kā iqrār thā kyā thā
kisī ke bas meñ thā majbūr thā lāchār thā kyā thā
burā ho bad-gumānī kā vo naama ġhair kā samjhā
hamāre haath meñ to parcha-e-aḳhbār thā kyā thā
sadā sunte hī goyā murdanī sī chhā ga.ī mujh par
ye shor-e-sūr thā yā vasl kā inkār thā kyā thā
ḳhudā kā dost hai ta.amīr-e-dil jo shaḳhs kartā ho
ḳhalīlullāh bhī ka.aba kā ik me.amār thā kyā thā
na aa.e tum na aao maiñ ne kyā kuchh minnateñ kī thiiñ
tumhīñ ne ḳhud kiyā thā ahd ye iqrār thā kyā thā
havā meñ jab uḌā parda to ik bijlī sī kaundī thī
ḳhudā jaane tumhārā partav-e-ruḳhsār thā kyā thā
milā tū ham se mahfil meñ jo shab ko ġhair kyuuñ bigḌā
tirā hākim thā Thekā-dār thā muḳhtār thā kyā thā
mirī mayyat pe mātam karte ho allāh-re chālākī
ḳhabar hai ḳhud tumheñ muddat se maiñ bīmār thā kyā thā
hazāroñ hasrateñ betāb thiiñ bāhar nikalne ko
vo sote meñ bhī 'parvīñ' fitna-e-bedār thā kyā thā
نہ آیا کر کے وعدہ وصل کا اقرار تھا کیا تھا
کسی کے بس میں تھا مجبور تھا لاچار تھا کیا تھا
برا ہو بد گمانی کا وہ نامہ غیر کا سمجھا
ہمارے ہاتھ میں تو پرچۂ اخبار تھا کیا تھا
صدا سنتے ہی گویا مردنی سی چھا گئی مجھ پر
یہ شور صور تھا یا وصل کا انکار تھا کیا تھا
خدا کا دوست ہے تعمیر دل جو شخص کرتا ہو
خلیل اللہ بھی کعبہ کا اک معمار تھا کیا تھا
نہ آئے تم نہ آؤ میں نے کیا کچھ منتیں کی تھیں
تمہیں نے خود کیا تھا عہد یہ اقرار تھا کیا تھا
ہوا میں جب اڑا پردہ تو اک بجلی سی کوندی تھی
خدا جانے تمہارا پرتو رخسار تھا کیا تھا
ملا تو ہم سے محفل میں جو شب کو غیر کیوں بگڑا
ترا حاکم تھا ٹھیکا دار تھا مختار تھا کیا تھا
مری میت پہ ماتم کرتے ہو اللہ رے چالاکی
خبر ہے خود تمہیں مدت سے میں بیمار تھا کیا تھا
ہزاروں حسرتیں بیتاب تھیں باہر نکلنے کو
وہ سوتے میں بھی پرویںؔ فتنۂ بیدار تھا کیا تھا