मुसीबतें सर-बरहना होंगी अक़ीदतें बे-लिबास होंगी
थके हुओं को कहाँ पता था कि सुब्हें यूँ बद-हवास होंगी
तू देख लेना हमारे बच्चों के बाल जल्दी सफ़ेद होंगे
हमारी छोड़ी हुई उदासी से सात नस्लें उदास होंगी
कहीं मिलें तुम को भूरी रंगत की गहरी आँखें मुझे बताना
मैं जानता हूँ कि ऐसी आँखें बहुत अज़िय्यत-शनास होंगी
मैं सर्दियों की ठिठुरती शामों के सर्द लम्हों में सोचता हूँ
वो सुर्ख़ हाथों की गर्म पोरें न-जाने अब किस को रास होंगी
ये जिस की बेटी के सर की चादर कई जगह से फटी हुई है
तुम उस के गाँव में जा के देखो तो आधी फ़स्लें कपास होंगी
musībateñ sar-barahna hoñgī aqīdateñ be-libās hoñgī
thake huoñ ko kahāñ pata thā ki sub.heñ yuuñ bad-havās hoñgī
tū dekh lenā hamāre bachchoñ ke baal jaldī safed hoñge
hamārī chhoḌī huī udāsī se saat nasleñ udaas hoñgī
kahīñ mileñ tum ko bhūrī rañgat kī gahrī āñkheñ mujhe batānā
maiñ jāntā huuñ ki aisī āñkheñ bahut aziyyat-shanās hoñgī
maiñ sardiyoñ kī ThiThurtī shāmoñ ke sard lamhoñ meñ sochtā huuñ
vo surḳh hāthoñ kī garm poreñ na-jāne ab kis ko raas hoñgī
ye jis kī beTī ke sar kī chādar ka.ī jagah se phaTī huī hai
tum us ke gaañv meñ jā ke dekho to aadhī fasleñ kapās hoñgī
مصیبتیں سر برہنہ ہوں گی عقیدتیں بے لباس ہوں گی
تھکے ہوؤں کو کہاں پتہ تھا کہ صبحیں یوں بد حواس ہوں گی
تو دیکھ لینا ہمارے بچوں کے بال جلدی سفید ہوں گے
ہماری چھوڑی ہوئی اداسی سے سات نسلیں اداس ہوں گی
کہیں ملیں تم کو بھوری رنگت کی گہری آنکھیں مجھے بتانا
میں جانتا ہوں کہ ایسی آنکھیں بہت اذیت شناس ہوں گی
میں سردیوں کی ٹھٹھرتی شاموں کے سرد لمحوں میں سوچتا ہوں
وہ سرخ ہاتھوں کی گرم پوریں نہ جانے اب کس کو راس ہوں گی
یہ جس کی بیٹی کے سر کی چادر کئی جگہ سے پھٹی ہوئی ہے
تم اس کے گاؤں میں جا کے دیکھو تو آدھی فصلیں کپاس ہوں گی