मुंतशिर शहज़ाद-गान-ए-दिल का शीराज़ा न हो
काश यारों की हँसी फ़ित्नों का ग़म्माज़ा न हो
अब वो सोने का सही लेकिन मिरे किस काम का
जिस मकाँ में कोई खिड़की कोई दरवाज़ा न हो
वो जवाँ ख़ून और उस पर नश्शा-ए-दीदा-वरी
क्या करें वो भी जो मेरे ग़म का अंदाज़ा न हो
याद है कुछ तुम ने कल ख़ाका उड़ाया था मिरा
फूल सी आँखों में शबनम कल का ख़म्याज़ा न हो
फिर जुनूँ क्यूँ-कर सजे दुनिया को कैसे रंग दे
बाइ'स-ए-तहरीक अगर यारों का आवाज़ा न हो
काश मेरे ग़म का साया भी रहे अपनों से दूर
काश अब यकजा मिरी यादों का शीराज़ा न हो
आ गले मिलने से पहले क्यूँ न मिल कर देख लें
दिल के तह-ख़ाने में कोई चोर दरवाज़ा न हो
वो तो मुर्दा हैं उन्हें एहसास की ख़ुशबू से क्या
अपने अंदाज़-ए-नज़र का जिन को अंदाज़ा न हो
काश ऐ 'ग़ौसी' ज़माने भर का बचपन लौट आए
सब के चेहरों पर हक़ीक़ी नूर हो ग़ाज़ा न हो
muntashir shahzād-gān-e-dil kā shīrāza na ho
kaash yāroñ kī hañsī fitnoñ kā ġhammāza na ho
ab vo sone kā sahī lekin mire kis kaam kā
jis makāñ meñ koī khiḌkī koī darvāza na ho
vo javāñ ḳhuun aur us par nashsha-e-dīda-varī
kyā kareñ vo bhī jo mere ġham kā andāza na ho
yaad hai kuchh tum ne kal ḳhāka uḌāyā thā mirā
phuul sī āñkhoñ meñ shabnam kal kā ḳhamyāza na ho
phir junūñ kyūñ-kar saje duniyā ko kaise rañg de
bā.is-e-tahrīk agar yāroñ kā āvāza na ho
kaash mere ġham kā saaya bhī rahe apnoñ se duur
kaash ab yakjā mirī yādoñ kā shīrāza na ho
aa gale milne se pahle kyuuñ na mil kar dekh leñ
dil ke tah-ḳhāne meñ koī chor darvāza na ho
vo to murda haiñ unheñ ehsās kī ḳhushbū se kyā
apne andāz-e-nazar kā jin ko andāza na ho
kaash ai 'ġhausī' zamāne bhar kā bachpan lauT aa.e
sab ke chehroñ par haqīqī nuur ho ġhāza na ho
منتشر شہزاد گان دل کا شیرازہ نہ ہو
کاش یاروں کی ہنسی فتنوں کا غمازہ نہ ہو
اب وہ سونے کا سہی لیکن مرے کس کام کا
جس مکاں میں کوئی کھڑکی کوئی دروازہ نہ ہو
وہ جواں خون اور اس پر نشہ دیدہ وری
کیا کریں وہ بھی جو میرے غم کا اندازہ نہ ہو
یاد ہے کچھ تم نے کل خاکہ اڑایا تھا مرا
پھول سی آنکھوں میں شبنم کل کا خمیازہ نہ ہو
پھر جنوں کیوں کر سجے دنیا کو کیسے رنگ دے
باعث تحریک اگر یاروں کا آوازہ نہ ہو
کاش میرے غم کا سایہ بھی رہے اپنوں سے دور
کاش اب یکجا مری یادوں کا شیرازہ نہ ہو
آ گلے ملنے سے پہلے کیوں نہ مل کر دیکھ لیں
دل کے تہہ خانے میں کوئی چور دروازہ نہ ہو
وہ تو مردہ ہیں انہیں احساس کی خوشبو سے کیا
اپنے انداز نظر کا جن کو اندازہ نہ ہو
کاش اے غوثیؔ زمانے بھر کا بچپن لوٹ آئے
سب کے چہروں پر حقیقی نور ہو غازہ نہ ہو