अब तो ख़ुद से भी कुछ ऐसा है बशर का रिश्ता
जैसे परवाज़ से टूटे हुए पर का रिश्ता
कोई खिड़की भी नहीं अब तो जो बाक़ी रखती
मेरे घर से मिरे हम-साए के घर का रिश्ता
तुम फ़रिश्ते ही सही नज़रें न बदलो यारो
क्या फ़रिश्तों से नहीं कोई बशर का रिश्ता
मोड़ आने दो अभी सामने आ जाएगा
क्या है आपस में शरीकान-सफ़र का रिश्ता
तू मिरे चाक-गरेबाँ को नया सूरज दे
जोड़ जाऊँ मैं धुँदलकों से सहर का रिश्ता
मेरे हाथों की लकीरें ये बताती हैं मुझे
पत्थरों ही से रहेगा मिरे सर का रिश्ता
सब के चेहरों की ख़राशें हैं नज़र में 'ग़ौसी'
आइनों से है दिल-ए-आइना-गर का रिश्ता
ab to ḳhud se bhī kuchh aisā hai bashar kā rishta
jaise parvāz se TuuTe hue par kā rishta
koī khiḌkī bhī nahīñ ab to jo baaqī rakhtī
mere ghar se mire ham-sā.e ke ghar kā rishta
tum farishte hī sahī nazreñ na badlo yaaro
kyā farishtoñ se nahīñ koī bashar kā rishta
moḌ aane do abhī sāmne aa jā.egā
kyā hai aapas meñ sharīkān-e-safar kā rishta
tū mire chāk-garebāñ ko nayā sūraj de
joḌ jā.ūñ maiñ dhuñdlakoñ se sahar kā rishta
mere hāthoñ kī lakīreñ ye batātī haiñ mujhe
pattharoñ hī se rahegā mire sar kā rishta
sab ke chehroñ kī ḳharāsheñ haiñ nazar meñ 'ġhausī'
ā.inoñ se hai dil-e-ā.ina-gar kā rishta
اب تو خود سے بھی کچھ ایسا ہے بشر کا رشتہ
جیسے پرواز سے ٹوٹے ہوئے پر کا رشتہ
کوئی کھڑکی بھی نہیں اب تو جو باقی رکھتی
میرے گھر سے مرے ہم سایے کے گھر کا رشتہ
تم فرشتے ہی سہی نظریں نہ بدلو یارو
کیا فرشتوں سے نہیں کوئی بشر کا رشتہ
موڑ آنے دو ابھی سامنے آ جائے گا
کیا ہے آپس میں شریکان سفر کا رشتہ
تو مرے چاک گریباں کو نیا سورج دے
جوڑ جاؤں میں دھندلکوں سے سحر کا رشتہ
میرے ہاتھوں کی لکیریں یہ بتاتی ہیں مجھے
پتھروں ہی سے رہے گا مرے سر کا رشتہ
سب کے چہروں کی خراشیں ہیں نظر میں غوثیؔ
آئنوں سے ہے دل آئنہ گر کا رشتہ