जो मिस्ल-ए-तीर चला था कमान सा ख़म है
निगाह-ए-दोस्त में तासीर-ए-इस्म-ए-आज़म है
ख़ुशा कि वो हैं मिरे रू-ब-रू ब-नफ़्स-ए-नफ़ीस
ज़हे कि आज मिरी आरज़ू मुजस्सम है
मुहीत-ए-हुस्न-ए-कराँ-ता-कराँ नहीं न सही
बिसात-ए-शीशा-ए-दिल जिस क़दर है ताहम है
अना-पसंद अना के नशे में भूल गए
ये शहद वो है कि जिस के ख़मीर में सम है
हवा से करता है बातें तिरी महक पा कर
तिरे ग़ज़ाल-ए-जुनूँ में बला का दम-ख़म है
ये रंग-ओ-नूर ये ख़ुश्बू ये कैफ़-सामानी
हरीम-ए-नाज़ है या आलिमों का आलम है
न जा तबस्सुम-ए-लब-हा-ए-ख़ुश्क पर ऐ दोस्त
हँसी नहीं ये तरक़्क़ी पसंद मातम है
तो क्या चराग़-ए-तमन्ना का मैं मुहाफ़िज़ हूँ
जब उन को फ़िक्र नहीं है यहीं किसे ग़म है
मिरा मिज़ाज है यारों पे वार दूँ ख़ुद को
मिरा वजूद भी अंगुश्तरी का नीलम है
धुआँ धुआँ नज़र आती है बज़्म-ए-फ़न 'ग़ौसी'
यहाँ चराग़ ज़ियादा हैं रौशनी कम है
jo misl-e-tīr chalā thā kamān sā ḳham hai
nigāh-e-dost meñ tāsīr-e-ism-e-āzam hai
ḳhushā ki vo haiñ mire rū-ba-rū ba-nafs-e-nafīs
zahe ki aaj mirī aarzū mujassam hai
muhīt-e-husn-e-karāñ-tā-karāñ nahīñ na sahī
bisāt-e-shīsha-e-dil jis qadar hai tāham hai
anā-pasand anā ke nashe meñ bhuul ga.e
ye shahd vo hai ki jis ke ḳhamīr meñ sam hai
havā se kartā hai bāteñ tirī mahak pā kar
tire ġhazāl-e-junūñ meñ balā kā dam-ḳham hai
ye rañg-o-nūr ye ḳhushbū ye kaif-sāmānī
harīm-e-nāz hai yā ālimoñ kā aalam hai
na jā tabassum-e-lab-hā-e-ḳhushk par ai dost
hañsī nahīñ ye taraqqī pasand mātam hai
to kyā charāġh-e-tamannā kā maiñ muhāfiz huuñ
jab un ko fikr nahīñ hai yahīñ kise ġham hai
mirā mizāj hai yāroñ pe vaar duuñ ḳhud ko
mirā vajūd bhī añgushtarī kā nīlam hai
dhuāñ dhuāñ nazar aatī hai bazm-e-fan 'ġhausī'
yahāñ charāġh ziyāda haiñ raushnī kam hai
جو مثل تیر چلا تھا کمان سا خم ہے
نگاہ دوست میں تاثیر اسم اعظم ہے
خوشا کہ وہ ہیں مرے رو بہ رو بہ نفس نفیس
زہے کہ آج مری آرزو مجسم ہے
محیط حسن کراں تا کراں نہیں نہ سہی
بساط شیشۂ دل جس قدر ہے تاہم ہے
انا پسند انا کے نشے میں بھول گئے
یہ شہد وہ ہے کہ جس کے خمیر میں سم ہے
ہوا سے کرتا ہے باتیں تری مہک پا کر
ترے غزال جنوں میں بلا کا دم خم ہے
یہ رنگ و نور یہ خوشبو یہ کیف سامانی
حریم ناز ہے یا عالموں کا عالم ہے
نہ جا تبسم لب ہائے خشک پر اے دوست
ہنسی نہیں یہ ترقی پسند ماتم ہے
تو کیا چراغ تمنا کا میں محافظ ہوں
جب ان کو فکر نہیں ہے یہیں کسے غم ہے
مرا مزاج ہے یاروں پہ وار دوں خود کو
مرا وجود بھی انگشتری کا نیلم ہے
دھواں دھواں نظر آتی ہے بزم فن غوثیؔ
یہاں چراغ زیادہ ہیں روشنی کم ہے