हिसार-ए-कासा-ए-सर तोड़ कर निकल आए
तलब हुई थी तो सज्दों के पर निकल आए
हर इक ज़मीर से पर्दा उठा गए पत्थर
किसी के ऐब किसी के हुनर निकल आए
सँवर सँवर के मशिय्यत सँवारती है जिन्हें
इधर तो कोई नहीं हम किधर निकल आए
मिरा ख़रोश-ए-जुनूँ जब भी रंग-पाश हुआ
मिरी तरफ़ निगराँ कितने दर निकल आए
कहाँ है होली जो देखे ब-यक-करिश्मा दो-कार
घिरे थे आग में हम भी मगर निकल आए
ब-ईं-नज़ाकत-ए-तख़्लीक़ ठोकरें खाने
ये पत्थरों में कहाँ शीशागर निकल आए
फ़राज़-ए-मंज़िल-ए-रफ-रफ सवारगी सौगंद
ख़ला में और बसीरत के पर निकल आए
लब-ए-फ़ुरात अजब शान-ए-सरफ़राज़ी थी
गुमाँ था दश्त में नेज़ों के सर निकल आए
है आगही भी अगर जाँ-गुसिल तो हो 'ग़ौसी'
हरीम-ए-बे-ख़बरी से मगर निकल आए
hisār-e-kāsa-e-sar toḌ kar nikal aa.e
talab huī thī to sajdoñ ke par nikal aa.e
har ik zamīr se parda uThā ga.e patthar
kisī ke aib kisī ke hunar nikal aa.e
sañvar sañvar ke mashiyyat sañvārtī hai jinheñ
idhar to koī nahīñ ham kidhar nikal aa.e
mirā ḳharosh-e-junūñ jab bhī rañg-pāsh huā
mirī taraf nigarāñ kitne dar nikal aa.e
kahāñ hai holī jo dekhe ba-yak-karishma do-kār
ghire the aag meñ ham bhī magar nikal aa.e
ba-īñ-nazākat-e-taḳhlīq Thokareñ khāne
ye pattharoñ meñ kahāñ shīshagar nikal aa.e
farāz-e-manzil-e-raf-raf savārgī saugand
ḳhalā meñ aur basīrat ke par nikal aa.e
lab-e-furāt ajab shān-e-sarfarāzī thī
gumāñ thā dasht meñ nezoñ ke sar nikal aa.e
hai āgahī bhī agar jāñ-gusil to ho 'ġhausī'
harīm-e-be-ḳhabarī se magar nikal aa.e
حصار کاسۂ سر توڑ کر نکل آئے
طلب ہوئی تھی تو سجدوں کے پر نکل آئے
ہر اک ضمیر سے پردہ اٹھا گئے پتھر
کسی کے عیب کسی کے ہنر نکل آئے
سنور سنور کے مشیت سنوارتی ہے جنہیں
ادھر تو کوئی نہیں ہم کدھر نکل آئے
مرا خروش جنوں جب بھی رنگ پاش ہوا
مری طرف نگراں کتنے در نکل آئے
کہاں ہے ہولی جو دیکھے بہ یک کرشمہ دو کار
گھرے تھے آگ میں ہم بھی مگر نکل آئے
بہ ایں نزاکت تخلیق ٹھوکریں کھانے
یہ پتھروں میں کہاں شیشہ گر نکل آئے
فراز منزل رف رف سوارگی سوگند
خلا میں اور بصیرت کے پر نکل آئے
لب فرات عجب شان سرفرازی تھی
گماں تھا دشت میں نیزوں کے سر نکل آئے
ہے آگہی بھی اگر جاں گسل تو ہو غوثیؔ
حریم بے خبری سے مگر نکل آئے