मुझे शाद रखना कि नाशाद रखना
मिरे दीदा ओ दिल को आबाद रखना
भुलाई नहीं जा सकेंगी ये बातें
तुम्हें याद आएँगे हम याद रखना
वो नाशाद ओ बर्बाद रखते हैं मुझ को
इलाही उन्हें शाद ओ आबाद रखना
तुम्हें भी क़सम है कि जो सर झुका दे
उसी को तह-ए-तेग़-ए-बेदाद रखना
मिलेंगे तुम्हें राह में बुत-कदे भी
ज़रा अपने अल्लाह को याद रखना
जहाँ भी नशे में क़दम लड़खड़ाएँ
वहीं एक मस्जिद की बुनियाद रखना
सितारों पे चलते हुए इब्न-ए-आदम
नज़र में फ़रिश्तों की उफ़्ताद रखना
'हफ़ीज़' अपने अफ़्कार की सादगी को
तकल्लुफ़ की उलझन से आज़ाद रखना
mujhe shaad rakhnā ki nāshād rakhnā
mire diida o dil ko ābād rakhnā
bhulā.ī nahīñ jā sakeñgī ye bāteñ
tumheñ yaad ā.eñge ham yaad rakhnā
vo nāshād o barbād rakhte haiñ mujh ko
ilāhī unheñ shaad o ābād rakhnā
tumheñ bhī qasam hai ki jo sar jhukā de
usī ko tah-e-teġh-e-bedād rakhnā
mileñge tumheñ raah meñ but-kade bhī
zarā apne allāh ko yaad rakhnā
jahāñ bhī nashe meñ qadam laḌkhaḌā.eñ
vahīñ ek masjid kī buniyād rakhnā
sitāroñ pe chalte hue ibn-e-ādam
nazar meñ farishtoñ kī uftād rakhnā
'hafīz' apne afkār kī sādgī ko
takalluf kī uljhan se āzād rakhnā
مجھے شاد رکھنا کہ ناشاد رکھنا
مرے دیدہ و دل کو آباد رکھنا
بھلائی نہیں جا سکیں گی یہ باتیں
تمہیں یاد آئیں گے ہم یاد رکھنا
وہ ناشاد و برباد رکھتے ہیں مجھ کو
الٰہی انہیں شاد و آباد رکھنا
تمہیں بھی قسم ہے کہ جو سر جھکا دے
اسی کو تہ تیغ بیداد رکھنا
ملیں گے تمہیں راہ میں بت کدے بھی
ذرا اپنے اللہ کو یاد رکھنا
جہاں بھی نشے میں قدم لڑکھڑائیں
وہیں ایک مسجد کی بنیاد رکھنا
ستاروں پہ چلتے ہوئے ابن آدم
نظر میں فرشتوں کی افتاد رکھنا
حفیظؔ اپنے افکار کی سادگی کو
تکلف کی الجھن سے آزاد رکھنا