मुझे कोई ऐसी ग़ज़ल सुना कि मैं रो पड़ूँ
ज़रा जय जय विन्ती के सुर लगा कि मैं रो पड़ूँ
मिरे ज़ब्त तुझ को मिरी तरफ़ से ये इज़्न है
मिरा आज इतना तो दिल दुखा कि मैं रो पड़ूँ
ये जो ख़ाक ओढ़ के सो रही है मिरी हँसी
यूँ बिलक बिलक के उसे जगा कि मैं रो पड़ूँ
मिरे ख़ुद-कुशी के ख़याल पर मिरे हाल पर
मिरी बेबसी मुझे यूँ हँसा कि मैं रो पड़ूँ
तुझे इल्म है मिरा कोई तेरे सिवा नहीं
मुझे आ के ऐसे गले लगा कि मैं रो पड़ूँ
मैं जहान-ए-सुर्ख़ में सब्ज़-पोश चराग़ हूँ
मिरी लौ को इतना न आज़मा कि मैं रो पड़ूँ
मिरा बख़्त मेरा नसीब तुझ से छुपा नहीं
मुझे दे तू ऐसी कोई दुआ कि मैं रो पड़ूँ
ये जो इश्क़ की सियह शाल है ये वबाल है
उसे यूँ न देख के मुस्कुरा कि मैं रो पड़ूँ
मिरी आँखें अब भी तिरी गली में हैं ख़ेमा-ज़न
फ़क़त एक बार उन्हें देख जा कि मैं रो पड़ूँ
मिरा नाम तू ने रखा था 'वासिफ़'-ए-ना-तमाम
इसी नाम से मुझे फिर बुला कि मैं रो पड़ूँ
mujhe koī aisī ġhazal sunā ki maiñ ro paḌūñ
zarā jai jai vintī ke sur lagā ki maiñ ro paḌūñ
mire zabt tujh ko mirī taraf se ye izn hai
mirā aaj itnā to dil dukhā ki maiñ ro paḌūñ
ye jo ḳhaak oḌh ke so rahī hai mirī hañsī
yuuñ bilak bilak ke use jagā ki maiñ ro paḌūñ
mire ḳhud-kushī ke ḳhayāl par mire haal par
mirī bebasī mujhe yuuñ hañsā ki maiñ ro paḌūñ
tujhe ilm hai mirā koī tere sivā nahīñ
mujhe aa ke aise gale lagā ki maiñ ro paḌūñ
maiñ jahān-e-surḳh meñ sabz-posh charāġh huuñ
mirī lau ko itnā na aazmā ki maiñ ro paḌūñ
mirā baḳht merā nasīb tujh se chhupā nahīñ
mujhe de tū aisī koī duā ki maiñ ro paḌūñ
ye jo ishq kī siyah shaal hai ye vabāl hai
use yuuñ na dekh ke muskurā ki maiñ ro paḌūñ
mirī āñkheñ ab bhī tirī galī meñ haiñ ḳhema-zan
faqat ek baar unheñ dekh jā ki maiñ ro paḌūñ
mirā naam tū ne rakhā thā 'vāsif'-e-nā-tamām
isī naam se mujhe phir bulā ki maiñ ro paḌūñ
مجھے کوئی ایسی غزل سنا کہ میں رو پڑوں
ذرا جے جے ونتی کے سر لگا کہ میں رو پڑوں
مرے ضبط تجھ کو مری طرف سے یہ اذن ہے
مرا آج اتنا تو دل دکھا کہ میں رو پڑوں
یہ جو خاک اوڑھ کے سو رہی ہے مری ہنسی
یوں بلک بلک کے اسے جگا کہ میں رو پڑوں
مرے خودکشی کے خیال پر مرے حال پر
مری بے بسی مجھے یوں ہنسا کہ میں رو پڑوں
تجھے علم ہے مرا کوئی تیرے سوا نہیں
مجھے آ کے ایسے گلے لگا کہ میں رو پڑوں
میں جہان سرخ میں سبز پوش چراغ ہوں
مری لو کو اتنا نہ آزما کہ میں رو پڑوں
مرا بخت میرا نصیب تجھ سے چھپا نہیں
مجھے دے تو ایسی کوئی دعا کہ میں رو پڑوں
یہ جو عشق کی سیہ شال ہے یہ وبال ہے
اسے یوں نہ دیکھ کے مسکرا کہ میں رو پڑوں
مری آنکھیں اب بھی تری گلی میں ہیں خیمہ زن
فقط ایک بار انہیں دیکھ جا کہ میں رو پڑوں
مرا نام تو نے رکھا تھا واصفؔ نا تمام
اسی نام سے مجھے پھر بلا کہ میں رو پڑوں