मुझ को क्या फ़ाएदा गर कोई रहा मेरे ब'अद
सारी मख़्लूक़ बला से हो फ़ना मेरे ब'अद
मर चुका मैं तो नहीं उस से मुझे कुछ हासिल
बरसे गर पानी की जा आब-ए-बक़ा मेरे ब'अद
चाहने वालों का करता है ज़माना मातम
मातमी रंग में है ज़ुल्फ़-ए-रसा मेरे ब'अद
रोएँगे मुझ को मिरे दोस्त सब आठ आठ आँसू
बरसेगी क़ब्र पे घनघोर घटा मेरे ब'अद
यूँ ही खिलती रहेंगी सेहन-ए-चमन में कलियाँ
यूँही चलती रहेगी बाद-ए-सबा मेरे ब'अद
जान देने को न उन पर कोई तय्यार हुआ
गोया जाँ-बाज़ ज़माने में न था मेरे ब'अद
हाथ से उन के टपकते नहीं मय के क़तरे
अश्क-ए-ख़ूँ रोता है ये रंग-ए-हिना मेरे ब'अद
हश्र तक कोई न रोकेगा सितम-गारों को
जो ख़ुदा पहले था वो ही है ख़ुदा मेरे ब'अद
जीते-जी देते थे जो गालियाँ मुझ को 'परवीं'
मग़फ़िरत के लिए करते हैं दुआ मेरे ब'अद
mujh ko kyā fā.eda gar koī rahā mere ba.ad
saarī maḳhlūq balā se ho fanā mere ba.ad
mar chukā maiñ to nahīñ us se mujhe kuchh hāsil
barse gar paanī kī jā āb-e-baqā mere ba.ad
chāhne vāloñ kā kartā hai zamāna mātam
mātamī rañg meñ hai zulf-e-rasā mere ba.ad
ro.eñge mujh ko mire dost sab aaTh aaTh aañsū
barsegī qabr pe ghanghor ghaTā mere ba.ad
yuuñ hī khiltī raheñgī sehn-e-chaman meñ kaliyāñ
yūñhī chaltī rahegī bād-e-sabā mere ba.ad
jaan dene ko na un par koī tayyār huā
goyā jāñ-bāz zamāne meñ na thā mere ba.ad
haath se un ke Tapakte nahīñ mai ke qatre
ashk-e-ḳhūñ rotā hai ye rañg-e-hinā mere ba.ad
hashr tak koī na rokegā sitam-gāroñ ko
jo ḳhudā pahle thā vo hī hai ḳhudā mere ba.ad
jīte-jī dete the jo gāliyāñ mujh ko 'parvīñ'
maġhfirat ke liye karte haiñ duā mere ba.ad
مجھ کو کیا فائدہ گر کوئی رہا میرے بعد
ساری مخلوق بلا سے ہو فنا میرے بعد
مر چکا میں تو نہیں اس سے مجھے کچھ حاصل
برسے گر پانی کی جا آب بقا میرے بعد
چاہنے والوں کا کرتا ہے زمانہ ماتم
ماتمی رنگ میں ہے زلف رسا میرے بعد
روئیں گے مجھ کو مرے دوست سب آٹھ آٹھ آنسو
برسے گی قبر پہ گھنگھور گھٹا میرے بعد
یوں ہی کھلتی رہیں گی صحن چمن میں کلیاں
یوں ہی چلتی رہے گی باد صبا میرے بعد
جان دینے کو نہ ان پر کوئی تیار ہوا
گویا جاں باز زمانہ میں نہ تھا میرے بعد
ہاتھ سے ان کے ٹپکتے نہیں مے کے قطرے
اشک خوں روتا ہے یہ رنگ حنا میرے بعد
حشر تک کوئی نہ روکے گا ستم گاروں کو
جو خدا پہلے تھا وہ ہی ہے خدا میرے بعد
جیتے جی دیتے تھے جو گالیاں مجھ کو پرویںؔ
مغفرت کے لئے کرتے ہیں دعا میرے بعد