मुझ को दुनिया की तमन्ना है न दीं का लालच
हाए लालच है तो इक माह-जबीं का लालच
इश्क़-बाज़ी पे सुना मुझ को मलामत न करो
हैफ़ है जिस को न हो तुम से हसीं का लालच
हालत-ए-क़ल्ब सर-ए-बज़्म बताऊँ क्यूँकर
पर्दा-ए-दिल में है इक पर्दा-नशीं का लालच
जब यहीं तैश में गुज़रे तो वहाँ क्या उम्मीद
न रहा इस लिए हम को तो कहीं का लालच
बोरिया तख़्त-ए-सुलैमाँ से कहीं बेहतर है
हम ग़रीबों को नहीं ताज-ओ-नगीं का लालच
न मैं दुनिया का तलबगार न उक़्बा की हवस
आसमानों की तमन्ना न ज़मीं का लालच
दिल भी दो जान भी दो ज़र भी दो उस को 'परवीं'
बढ़ गया सब से मिरे माह-जबीं का लालच
mujh ko duniyā kī tamannā hai na diiñ kā lālach
haa.e lālach hai to ik māh-jabīñ kā lālach
ishq-bāzī pe sunā mujh ko malāmat na karo
haif hai jis ko na ho tum se hasīñ kā lālach
hālat-e-qalb sar-e-bazm batā.ūñ kyūñkar
parda-e-dil meñ hai ik parda-nashīñ kā lālach
jab yahīñ taish meñ guzre to vahāñ kyā ummīd
na rahā is liye ham ko to kahīñ kā lālach
boriyā taḳht-e-sulaimāñ se kahīñ behtar hai
ham ġharīboñ ko nahīñ tāj-o-nagīñ kā lālach
na maiñ duniyā kā talabgār na uqbā kī havas
āsmānoñ kī tamannā na zamīñ kā lālach
dil bhī do jaan bhī do zar bhī do us ko 'parvīñ'
baḌh gayā sab se mire māh-jabīñ kā lālach
مجھ کو دنیا کی تمنا ہے نہ دیں کا لالچ
ہائے لالچ ہے تو اک ماہ جبیں کا لالچ
عشق بازی پہ سنا مجھ کو ملامت نہ کرو
حیف ہے جس کو نہ ہو تم سے حسیں کا لالچ
حالت قلب سر بزم بتاؤں کیوں کر
پردۂ دل میں ہے اک پردہ نشیں کا لالچ
جب یہیں طیش میں گزرے تو وہاں کیا امید
نہ رہا اس لئے ہم کو تو کہیں کا لالچ
بوریا تخت سلیماں سے کہیں بہتر ہے
ہم غریبوں کو نہیں تاج و نگیں کا لالچ
نہ میں دنیا کا طلب گار نہ عقبیٰ کی ہوس
آسمانوں کی تمنا نہ زمیں کا لالچ
دل بھی دو جان بھی دو زر بھی دو اس کو پرویںؔ
بڑھ گیا سب سے مرے ماہ جبیں کا لالچ