मुद्दत हुई ख़मोशी-ए-इज़हार-ए-हाल को
आब-ए-सदा ही दीजिए दश्त-ए-ख़याल को
फिर एक शाख़-ए-ज़र्द गिरी ख़ाक हो गई
फिर बर्ग-ए-नौ मिले शजर-ए-माह-ओ-साल को
झोंका ये किस के लम्स-ए-गुरेज़ाँ की तरह था
अब हल ही करते रहिए हवा के सवाल को
हम-रंग-ए-माह-ताब था वो इस में खो गया
अब कितनी दूर फेंकिए नज़रों के जाल को
शब भर हवा के रंग बदलते रहे नए
मैं देखता रहा सफ़र-ए-बर-शगाल को
जाएगा ख़ून-ए-शब न किसी तौर राएगाँ
मुँह पर मलेगी सुब्ह शफ़क़ के गुलाल को
जचते नहीं निगाह में ख़ुशियों के आफ़्ताब
दिल ढूँढता है किस ग़म-ए-ज़ोहराजमाल को
इंसानियत के दर्द की आवाज़ बन सके
सोज़-ए-नवा से सींचिए ज़ख़्म-ए-ख़याल को
दीजे फिर आब-ए-दीदा-ए-तर से हयात-ए-नौ
फ़न्न-ओ-अदब के सब्ज़ा-ए-नौ-पाएमाल को
muddat huī ḳhamoshī-e-iz.hār-e-hāl ko
āb-e-sadā hī dījiye dasht-e-ḳhayāl ko
phir ek shāḳh-e-zard girī ḳhaak ho ga.ī
phir barg-e-nau mile shajar-e-māh-o-māl ko
jhoñkā ye kis ke lams-e-gurezāñ kī tarah thā
ab hal hī karte rahiye havā ke savāl ko
ham-rañg-e-māhtāb thā vo is meñ kho gayā
ab kitnī duur pheñkiye nazroñ ke jaal ko
shab bhar havā ke rang badalte rahe na.e
maiñ dekhtā rahā safar-e-bar-shaġhāl ko
jā.egā ḳhūn-e-shab na kisī taur rā.egāñ
muñh par malegī sub.h shafaq ke gulāl ko
jachte nahīñ nigāh meñ ḳhushiyoñ ke āftāb
dil DhūñDhtā hai kis ġham-e-zohrajamāl ko
insāniyat ke dard kī āvāz ban sake
soz-e-navā se sīñchiye zaḳhm-e-ḳhayāl ko
diije phir āb-e-dīda-e-tar se hayāt-e-nau
fann-o-adab ke sabza-e-nau-pā.emāl ko
مدت ہوئی خموشیٔ اظہار حال کو
آب صدا ہی دیجئے دشت خیال کو
پھر ایک شاخ زرد گری خاک ہو گئی
پھر برگ نو ملے شجر ماہ و سال کو
جھونکا یہ کس کے لمس گریزاں کی طرح تھا
اب حل ہی کرتے رہئے ہوا کے سوال کو
ہم رنگ ماہتاب تھا وہ اس میں کھو گیا
اب کتنی دور پھینکیے نظروں کے جال کو
شب بھر ہوا کے رنگ بدلتے رہے نئے
میں دیکھتا رہا سفر بر شگال کو
جائے گا خون شب نہ کسی طور رائیگاں
منہ پر ملے گی صبح شفق کے گلال کو
جچتے نہیں نگاہ میں خوشیوں کے آفتاب
دل ڈھونڈھتا ہے کس غم زہرہ جمال کو
انسانیت کے درد کی آواز بن سکے
سوز نوا سے سینچئے زخم خیال کو
دیجے پھر آب دیدۂ تر سے حیات نو
فن و ادب کے سبزۂ نو پائمال کو