ख़ला की मंज़िल-ए-पायाब का पता भी मैं
और अपने आप में इक बे-कराँ ख़ला भी मैं
फ़ज़ा के सीने में बेताब शोरिशें मुझ से
दिल-ए-वजूद की इक आह-ए-ना-रसा भी मैं
मैं अपनी शाख़-ए-ख़मीदा का बर्ग-ए-शोरीदा
शजर का जिस्म भी मैं जिस्म से जुदा भी मैं
तिरे वजूद के इदराक तक पहुँचती हुई
यक़ीं की गूँज भी मैं वहम की हवा भी मैं
मुझी से फ़िक्र-ओ-नज़र के सनम-कदे रौशन
और अपने आप को अब तक न पा सका भी मैं
जमाल-ए-सुब्ह-ए-सुकूँ शाम-ए-इज़्तिराब का रंग
सुकूत-ए-ज़र्द भी मैं सुर्ख़ी-ए-सदा भी मैं
वरा-ए-फ़हम है मेरे तज़ाद का आलम
कि नोक-ए-ख़ार भी मैं और बरहना-पा भी मैं
मिरे सितम की ख़राशें मिरे ही चेहरे पर
अवध की शाम भी मैं और हीरोशीमा भी मैं
मिरे जुनूँ के करिश्मे मिरी रिया के तिलिस्म
कि वियतनाम भी मैं और जेनेवा भी मैं
ब-क़ौल-ए-शाइर-ए-मशरिक़ मैं अपना क़ातिल-ए-जाँ
हवा-ए-तुंद भी मैं बर्ग-ए-बे-नवा भी मैं
ज़वाल-ए-आदम-ए-ख़ाकी की इब्तिदा मुझ से
और उस की अज़्मत-ए-पैहम का इर्तिक़ा भी मैं
मुझी को छू न सकी 'डार्विन' की हद्द-ए-गुमाँ
और आज ख़ल्वत-ए-महताब तक रसा भी मैं
मुझे तो जैसे वो अन-देखा रास्ता न लगा
ख़ला के जादा-ए-मानूस पर चला भी मैं
फ़ना की मौज मिरी रूह के मकाँ से ख़जिल
असीर-ए-वक़्त भी मैं वक़्त से वरा भी मैं
हिसार-ए-जिस्म के दीवार-ओ-बाम में महबूस
हुदूद-ए-कौन-ओ-मकाँ से गुज़र गया भी मैं
गदा-ए-नुत्क़ भी मैं ख़ालिक़-ए-अज़ल के हुज़ूर
और अपने दर्द की आवाज़ का ख़ुदा भी मैं
मिरे शरारा-ए-फ़न से है रौशनी हर सू
और अपने शो'ला-ए-एहसास में जला भी मैं
ज़बान-ए-हर्फ़ की सेहर-आफ़रीनियाँ मुझ से
लब-ए-ख़याल की तक़रीर-ए-बे-सदा भी मैं
मैं उस की सोच का इक शाहकार भी 'ख़ावर'
और उस के शौक़ का दिलचस्प हादसा भी मैं
ḳhalā kī manzil-e-pāyāb kā patā bhī maiñ
aur apne aap meñ ik be-karāñ ḳhalā bhī maiñ
fazā ke siine meñ betāb shorisheñ mujh se
dil-e-vajūd kī ik āh-e-nā-rasā bhī maiñ
maiñ apnī shāḳh-e-ḳhamīda kā barg-e-shorīda
shajar kā jism bhī maiñ jism se judā bhī maiñ
tire vajūd ke idrāk tak pahuñchtī huī
yaqīñ kī guuñj bhī maiñ vahm kī havā bhī maiñ
mujhī se fikr-o-nazar ke sanam-kade raushan
aur apne aap ko ab tak na pā sakā bhī maiñ
jamāl-e-sub.h-e-sukūñ shām-e-iztirāb kā rañg
sukūt-e-zard bhī maiñ surḳhī-e-sadā bhī maiñ
varā-e-fahm hai mere tazād kā aalam
ki nok-e-ḳhār bhī maiñ aur barahna-pā bhī maiñ
mire sitam kī ḳharāsheñ mire hī chehre par
avadh kī shaam bhī maiñ aur hiroshima bhī maiñ
mire junūñ ke karishme mirī riyā ke tilism
ki vietnam bhī maiñ aur geneva bhī maiñ
ba-qaul-e-shā.ir-e-mashriq maiñ apnā qātil-e-jāñ
havā-e-tund bhī maiñ barg-e-be-navā bhī maiñ
zavāl-e-ādam-e-ḳhākī kī ibtidā mujh se
aur us kī azmat-e-paiham kā irtiqā bhī maiñ
mujhī ko chhū na sakī 'darwin' kī hadd-e-gumāñ
aur aaj ḳhalvat-e-mahtāb tak rasā bhī maiñ
mujhe to jaise vo an-dekhā rāstā na lagā
ḳhalā ke jāda-e-mānūs par chalā bhī maiñ
fanā kī mauj mirī ruuh ke makāñ se ḳhajil
asīr-e-vaqt bhī maiñ vaqt se varā bhī maiñ
hisār-e-jism ke dīvār-o-bām meñ mahbūs
hudūn-e-kaun-o-makāñ se guzar gayā bhī maiñ
gadā-e-nutq bhī maiñ ḳhāliq-e-azal ke huzūr
aur apne dard kī āvāz kā ḳhudā bhī maiñ
mire sharāra-e-fan se hai raushnī har sū
aur apne sho.ala-e-ehsās meñ jalā bhī maiñ
zabān-e-harf kī sehr-āfrīniyāñ mujh se
lab-e-ḳhayāl kī taqrīr-e-be-sadā bhī maiñ
maiñ us kī soch kā ik shāhkār bhī 'ḳhāvar'
aur us ke shauq kā dilchasp hadisā bhī maiñ
خلا کی منزل پایاب کا پتا بھی میں
اور اپنے آپ میں اک بے کراں خلا بھی میں
فضا کے سینے میں بیتاب شورشیں مجھ سے
دل وجود کی اک آہ نارسا بھی میں
میں اپنی شاخ خمیدہ کا برگ شوریدہ
شجر کا جسم بھی میں جسم سے جدا بھی میں
ترے وجود کے ادراک تک پہنچتی ہوئی
یقیں کی گونج بھی میں وہم کی ہوا بھی میں
مجھی سے فکر و نظر کے صنم کدے روشن
اور اپنے آپ کو اب تک نہ پا سکا بھی میں
جمال صبح سکوں شام اضطراب کا رنگ
سکوت زرد بھی میں سرخیٔ صدا بھی میں
ورائے فہم ہے میرے تضاد کا عالم
کہ نوک خار بھی میں اور برہنہ پا بھی میں
مرے ستم کی خراشیں مرے ہی چہرے پر
اودھ کی شام بھی میں اور ہیروشیما بھی میں
مرے جنوں کے کرشمے مری ریا کے طلسم
کہ ویتنام بھی میں اور جینوا بھی میں
بقول شاعر مشرق میں اپنا قاتل جاں
ہوائے تند بھی میں برگ بے نوا بھی میں
زوال آدم خاکی کی ابتدا مجھ سے
اور اس کی عظمت پیہم کا ارتقا بھی میں
مجھی کو چھو نہ سکی ڈارونؔ کی حد گماں
اور آج خلوت مہتاب تک رسا بھی میں
مجھے تو جیسے وہ ان دیکھا راستا نہ لگا
خلا کے جادۂ مانوس پر چلا بھی میں
فنا کی موج مری روح کے مکاں سے خجل
اسیر وقت بھی میں وقت سے ورا بھی میں
حصار جسم کے دیوار و بام میں محبوس
حدود کون و مکاں سے گزر گیا بھی میں
گدائے نطق بھی میں خالق ازل کے حضور
اور اپنے درد کی آواز کا خدا بھی میں
مرے شرارۂ فن سے ہے روشنی ہر سو
اور اپنے شعلۂ احساس میں جلا بھی میں
زبان حرف کی سحر آفرینیاں مجھ سے
لب خیال کی تقریر بے صدا بھی میں
میں اس کی سوچ کا اک شاہکار بھی خاورؔ
اور اس کے شوق کا دلچسپ حادثا بھی میں