मोहब्बत को गले का हार भी करते नहीं बनता
कुछ ऐसी बात है इंकार भी करते नहीं बनता
ख़ुलूस-ए-नाज़ की तौहीन भी देखी नहीं जाती
शुऊर-ए-हुस्न को बेदार भी करते नहीं बनता
तुझे अब क्या कहें ऐ मेहरबाँ अपना ही रोना है
कि सारी ज़िंदगी ईसार भी करते नहीं बनता
सितम देखो कि उस बे-दर्द से अपनी लड़ाई है
जिसे शर्मिंदा-ए-पैकार भी करते नहीं बनता
अदा रंजीदगी परवानगी आँसू-भरी आँखें
अब इतनी सादगी क्या प्यार भी करते नहीं बनता
जवानी मेहरबानी हुस्न भी अच्छी मुसीबत है
उसे अच्छा उसे बीमार भी करते नहीं बनता
भँवर से जी भी घबराता है लेकिन क्या किया जाए
तवाफ़-ए-मौज-ए-कम-रफ़्तार भी करते नहीं बनता
इसी दिल को भरी दुनिया के झगड़े झेलने ठहरे
यही दिल जिस को दुनिया-दार भी करते नहीं बनता
जलाती है दिलों को सर्द-मेहरी भी ज़माने की
सवाल-ए-गर्मी-ए-बाज़ार भी करते नहीं बनता
'ख़िज़ाँ' उन की तवज्जोह ऐसी ना-मुम्किन नहीं लेकिन
ज़रा सी बात पर इसरार भी करते नहीं बनता
mohabbat ko gale kā haar bhī karte nahīñ bantā
kuchh aisī baat hai inkār bhī karte nahīñ bantā
ḳhulūs-e-nāz kī tauhīn bhī dekhī nahīñ jaatī
shu.ūr-e-husn ko bedār bhī karte nahīñ bantā
tujhe ab kyā kaheñ ai mehrbāñ apnā hī ronā hai
ki saarī zindagī īsār bhī karte nahīñ bantā
sitam dekho ki us be-dard se apnī laḌā.ī hai
jise sharminda-e-paikār bhī karte nahīñ bantā
adā ranjīdagī parvāngī āñsū-bharī āñkheñ
ab itnī sādgī kyā pyaar bhī karte nahīñ bantā
javānī mehrbānī husn bhī achchhī musībat hai
use achchhā use bīmār bhī karte nahīñ bantā
bhañvar se jī bhī ghabrātā hai lekin kyā kiyā jaa.e
tavāf-e-mauj-e-kam-raftār bhī karte nahīñ bantā
isī dil ko bharī duniyā ke jhagḌe jhelne Thahre
yahī dil jis ko duniyā-dār bhī karte nahīñ bantā
jalātī hai diloñ ko sard-mehrī bhī zamāne kī
savāl-e-garmī-e-bāzār bhī karte nahīñ bantā
'ḳhizāñ' un kī tavajjoh aisī nā-mumkin nahīñ lekin
zarā sī baat par isrār bhī karte nahīñ bantā
محبت کو گلے کا ہار بھی کرتے نہیں بنتا
کچھ ایسی بات ہے انکار بھی کرتے نہیں بنتا
خلوص ناز کی توہین بھی دیکھی نہیں جاتی
شعور حسن کو بیدار بھی کرتے نہیں بنتا
تجھے اب کیا کہیں اے مہرباں اپنا ہی رونا ہے
کہ ساری زندگی ایثار بھی کرتے نہیں بنتا
ستم دیکھو کہ اس بے درد سے اپنی لڑائی ہے
جسے شرمندۂ پیکار بھی کرتے نہیں بنتا
ادا رنجیدگی پروانگی آنسو بھری آنکھیں
اب اتنی سادگی کیا پیار بھی کرتے نہیں بنتا
جوانی مہربانی حسن بھی اچھی مصیبت ہے
اسے اچھا اسے بیمار بھی کرتے نہیں بنتا
بھنور سے جی بھی گھبراتا ہے لیکن کیا کیا جائے
طواف موج کم رفتار بھی کرتے نہیں بنتا
اسی دل کو بھری دنیا کے جھگڑے جھیلنے ٹھہرے
یہی دل جس کو دنیا دار بھی کرتے نہیں بنتا
جلاتی ہے دلوں کو سرد مہری بھی زمانے کی
سوال گرمیٔ بازار بھی کرتے نہیں بنتا
خزاںؔ ان کی توجہ ایسی نا ممکن نہیں لیکن
ذرا سی بات پر اصرار بھی کرتے نہیں بنتا