मोहब्बत चाहिए बाहम हमें भी हो तुम्हें भी हो
ख़ुशी हो इस में या हो ग़म हमें भी हो तुम्हें भी हो
ग़नीमत तुम इसे समझो कि इस ख़ुम-ख़ाने में यारो
नसीब इक-दम दिल-ए-ख़ुर्रम हमें भी हो तुम्हें भी हो
दिलाओ हज़रत-ए-दिल तुम न याद-ए-ख़त्त-ए-सब्ज़ उस का
कहीं ऐसा न हो ये सम हमें भी हो तुम्हें भी हो
हमेशा चाहता है दिल कि मिल कर कीजे मय-नोशी
मुयस्सर जाम-ए-मय जम-जम हमें भी हो तुम्हें भी हो
हम अपना 'इश्क़ चमकाएँ तुम अपना हुस्न चमकाओ
कि हैराँ देख कर 'आलम हमें भी हो तुम्हें भी हो
रहे हिर्स-ओ-हवा दाइम 'अज़ीज़ो साथ जब अपने
न क्यूँकर फ़िक्र-ए-बेश-ओ-कम हमें भी हो तुम्हें भी हो
'ज़फ़र' से कहता है मजनूँ कहीं दर्द-ए-दिल-ए-महज़ूँ
जो ग़म से फ़ुर्सत अब इक दम हमें भी हो तुम्हें भी हो
mohabbat chāhiye bāham hameñ bhī ho tumheñ bhī ho
ḳhushī ho is meñ yā ho ġham hameñ bhī ho tumheñ bhī ho
ġhanīmat tum ise samjho ki is ḳhum-ḳhāne meñ yaaro
nasīb ik-dam dil-e-ḳhurram hameñ bhī ho tumheñ bhī ho
dilāo hazrat-e-dil tum na yād-e-ḳhatt-e-sabz us kā
kahīñ aisā na ho ye sam hameñ bhī ho tumheñ bhī ho
hamesha chāhtā hai dil ki mil kar kiije mai-noshī
muyassar jām-e-mai jam-jam hameñ bhī ho tumheñ bhī ho
ham apnā 'ishq chamkā.eñ tum apnā husn chamkāo
ki hairāñ dekh kar 'ālam hameñ bhī ho tumheñ bhī ho
rahe hirs-o-havā daa.im 'azīzo saath jab apne
na kyūñkar fikr-e-besh-o-kam hameñ bhī ho tumheñ bhī ho
'zafar' se kahtā hai majnūñ kahīñ dard-e-dil-e-mahzūñ
jo ġham se fursat ab ik dam hameñ bhī ho tumheñ bhī ho
محبت چاہیے باہم ہمیں بھی ہو تمہیں بھی ہو
خوشی ہو اس میں یا ہو غم ہمیں بھی ہو تمہیں بھی ہو
غنیمت تم اسے سمجھو کہ اس خم خانہ میں یارو
نصیب اک دم دل خرم ہمیں بھی ہو تمہیں بھی ہو
دلاؤ حضرت دل تم نہ یاد خط سبز اس کا
کہیں ایسا نہ ہو یہ سم ہمیں بھی ہو تمہیں بھی ہو
ہمیشہ چاہتا ہے دل کہ مل کر کیجے مے نوشی
میسر جام مے جم جم ہمیں بھی ہو تمہیں بھی ہو
ہم اپنا عشق چمکائیں تم اپنا حسن چمکاؤ
کہ حیراں دیکھ کر عالم ہمیں بھی ہو تمہیں بھی ہو
رہے حرص و ہوا دائم عزیزو ساتھ جب اپنے
نہ کیونکر فکر بیش و کم ہمیں بھی ہو تمہیں بھی ہو
ظفرؔ سے کہتا ہے مجنوں کہیں درد دل محزوں
جو غم سے فرصت اب اک دم ہمیں بھی ہو تمہیں بھی ہو