मिज़ाज-ए-नग़्मा-ओ-शे'र-ओ-शराब पैदा कर
हयात-ए-इश्क़ में कुछ आब-ओ-ताब पैदा कर
नज़र को ख़ीरगी-ए-शौक़ बे-पनाह मिले
हर एक ज़र्रे से वो आफ़्ताब पैदा कर
शिकस्त-ए-ख़्वाब के बा-वस्फ़ बंद हैं आँखें
फिर एक बार तमाशा-ए-ख़्वाब पैदा कर
ये बे-नियाज़ी-ए-तज़ईन-ए-आइना कब तक
कभी कभी तो ख़ुद अपना जवाब पैदा कर
हर एक ज़र्रा है मामूरा-ए-जमाल-ए-हबीब
दिल-ए-हज़ीं निगह-ए-कामयाब पैदा कर
दिल-ओ-निगाह को धोके भी रास आए हैं
वुफ़ूर-ए-तिश्ना-लबी में सराब पैदा कर
न कर शिकायत-ए-दौराँ न बन हरीफ़-ए-ज़माँ
मुसीबतों का कोई सद्द-ए-बाब पैदा कर
पहुँच बुलंद-ए-मक़ामात-ए-शे'र-ओ-नग़्मा तक
अदब में एक दिल-आवेज़ बाब पैदा कर
ग़रज़ तो ये है तिरा मरकज़-ए-निगाह रहूँ
सुकून-ए-दिल न सही इज़्तिराब पैदा कर
'रईस' तुझ को तो मरने की भी नहीं फ़ुर्सत
कहा था किस ने कि ऐसे अज़ाब पैदा कर
mizāj-e-naġhma-o-sher-o-sharāb paidā kar
hayāt-e-ishq meñ kuchh āb-o-tāb paidā kar
nazar ko ḳhīrgī-e-shauq be-panāh mile
har ek zarre se vo āftāb paidā kar
shikast-e-ḳhvāb ke bā-vasf band haiñ āñkheñ
phir ek baar tamāshā-e-ḳhvāb paidā kar
ye be-niyāzī-e-taz.īn-e-ā.ina kab tak
kabhī kabhī to ḳhud apnā javāb paidā kar
har ek zarra hai māmūra-e-jamāl-e-habīb
dil-e-hazīñ nigah-e-kāmyāb paidā kar
dil-o-nigāh ko dhoke bhī raas aa.e haiñ
vufūr-e-tishna-labī meñ sarāb paidā kar
na kar shikāyat-e-daurāñ na ban harīf-e-zamāñ
musībatoñ kā koī sadd-e-bāb paidā kar
pahuñch buland-maqāmāt-e-sher-o-naġhma tak
adab meñ ek dil-āvez baab paidā kar
ġharaz to ye hai tirā markaz-e-nigāh rahūñ
sukūn-e-dil na sahī iztirāb paidā kar
'ra.īs' tujh ko to marne kī bhī nahīñ fursat
kahā thā kis ne ki aise azaab paidā kar
مزاج نغمہ و شعر و شراب پیدا کر
حیات عشق میں کچھ آب و تاب پیدا کر
نظر کو خیرگئ شوق بے پناہ ملے
ہر ایک ذرے سے وہ آفتاب پیدا کر
شکست خواب کے با وصف بند ہیں آنکھیں
پھر ایک بار تماشائے خواب پیدا کر
یہ بے نیازئ تزئین آئنہ کب تک
کبھی کبھی تو خود اپنا جواب پیدا کر
ہر ایک ذرہ ہے معمورۂ جمال حبیب
دل حزیں نگۂ کامیاب پیدا کر
دل و نگاہ کو دھوکے بھی راس آئے ہیں
وفور تشنہ لبی میں سراب پیدا کر
نہ کر شکایت دوراں نہ بن حریف زماں
مصیبتوں کا کوئی سد باب پیدا کر
پہنچ بلند مقامات شعر و نغمہ تک
ادب میں ایک دل آویز باب پیدا کر
غرض تو یہ ہے ترا مرکز نگاہ رہوں
سکون دل نہ سہی اضطراب پیدا کر
رئیسؔ تجھ کو تو مرنے کی بھی نہیں فرصت
کہا تھا کس نے کہ ایسے عذاب پیدا کر