मिज़ाज-ए-मुस्तक़िल देना शुऊर-ए-मोअतबर देना
झुका पाए न जिस को वक़्त का तूफ़ाँ वो सर देना
मुझे उम्र-ए-ख़िज़र देना कि उम्र-ए-मुख़्तसर देना
मिरे अफ़्कार लेकिन ज़िंदा-ए-जावेद कर देना
जो उट्ठे सम्त-ए-माज़ी वो नज़र मेरा नहीं हासिल
पस-ए-दीवार-ए-मुस्तक़बिल जो देखे वो नज़र देना
मुजाहिद जंग के मैदाँ को जाए जिस तरह घर से
ये मंज़र ज़ेहन में रख कर मुझे इज़्न-ए-सफ़र देना
अगर इस रज़्म-गाह-ए-दहर में जीना ही है मुझ को
तो फिर इन यूरिशों में ज़िंदा रहने का हुनर देना
सिवा हो जाए जिस से अज़्मत-ए-दीदा-वरी 'गौहर'
नज़र देना तो यारब फिर मुझे ऐसी नज़र देना
mizāj-e-mustaqil denā shu.ūr-e-mo.atabar denā
jhukā paa.e na jis ko vaqt kā tūfāñ vo sar denā
mujhe umr-e-ḳhizar denā ki umr-e-muḳhtasar denā
mire afkār lekin zinda-e-jāved kar denā
jo uTThe samt-e-māzī vo nazar merā nahīñ hāsil
pas-e-dīvār-e-mustaqbil jo dekhe vo nazar denā
mujāhid jañg ke maidāñ ko jaa.e jis tarah ghar se
ye manzar zehn meñ rakh kar mujhe izn-e-safar denā
agar is razm-gāh-e-dahr meñ jiinā hī hai mujh ko
to phir in yūrishoñ meñ zinda rahne kā hunar denā
sivā ho jaa.e jis se azmat-e-dīda-varī 'gauhar'
nazar denā to yārab phir mujhe aisī nazar denā
مزاج مستقل دینا شعور معتبر دینا
جھکا پائے نہ جس کو وقت کا طوفاں وہ سر دینا
مجھے عمر خضر دینا کہ عمر مختصر دینا
مرے افکار لیکن زندۂ جاوید کر دینا
جو اٹھے سمت ماضی وہ نظر میرا نہیں حاصل
پس دیوار مستقبل جو دیکھے وہ نظر دینا
مجاہد جنگ کے میداں کو جائے جس طرح گھر سے
یہ منظر ذہن میں رکھ کر مجھے اذن سفر دینا
اگر اس رزم گاہ دہر میں جینا ہی ہے مجھ کو
تو پھر ان یورشوں میں زندہ رہنے کا ہنر دینا
سوا ہو جائے جس سے عظمت دیدہ وری گوہرؔ
نظر دینا تو یا رب پھر مجھے ایسی نظر دینا