अब सलीबें शाह-राहों पर सजा दी जाएँगी
अक्स रह जाएँगे तस्वीरें हटा दी जाएँगी
बात करने को तरस जाएँगे अरबाब-ए-वफ़ा
बंदिशें इतनी ज़बानों पर लगा दी जाएँगी
जिन किताबों में वफ़ा का ज़िक्र आएगा नज़र
सब्र कीजे वो किताबें भी जला दी जाएँगी
आप और तुम का तसव्वुर भी फ़ना हो जाएगा
जितनी क़द्रें हैं अदब की सब मिटा दी जाएँगी
मुंतज़िर रहिए मोहब्बत का पयम्बर आएगा
जितनी शमएँ बुझ चुकी हैं सब जला दी जाएँगी
पी रहे हैं जिन में 'गौहर' लोग इंसाँ का लहू
ऐसी तामीरों की बुनियादें हिला दी जाएँगी
ab salībeñ shāh-rāhoñ par sajā dī jā.eñgī
aks rah jā.eñge tasvīreñ haTā dī jā.eñgī
baat karne ko taras jā.eñge arbāb-e-vafā
bandisheñ itnī zabānoñ par lagā dī jā.eñgī
jin kitāboñ meñ vafā kā zikr aa.egā nazar
sabr kiije vo kitābeñ bhī jalā dī jā.eñgī
aap aur tum kā tasavvur bhī fanā ho jā.egā
jitnī qadreñ haiñ adab kī sab miTā dī jā.eñgī
muntazir rahiye mohabbat kā payambar aa.egā
jitnī sham.eñ bujh chukī haiñ sab jalā dī jā.eñgī
pī rahe haiñ jin meñ 'gauhar' log insāñ kā lahū
aisī ta.amīroñ kī buniyādeñ hilā dī jā.eñgī
اب صلیبیں شاہراہوں پر سجا دی جائیں گی
عکس رہ جائیں گے تصویریں ہٹا دی جائیں گی
بات کرنے کو ترس جائیں گے ارباب وفا
بندشیں اتنی زبانوں پر لگا دی جائیں گی
جن کتابوں میں وفا کا ذکر آئے گا نظر
صبر کیجے وہ کتابیں بھی جلا دی جائیں گی
آپ اور تم کا تصور بھی فنا ہو جائے گا
جتنی قدریں ہیں ادب کی سب مٹا دی جائیں گی
منتظر رہئے محبت کا پیمبر آئے گا
جتنی شمعیں بجھ چکی ہیں سب جلا دی جائیں گی
پی رہے ہیں جن میں گوہرؔ لوگ انساں کا لہو
ایسی تعمیروں کی بنیادیں ہلا دی جائیں گی