कभी शु'ऊर कभी दिल कभी सुख़न महके
कहो वो शे'र कि दुनिया-ए-फ़िक्र-ओ-फ़न महके
'अता हमें भी जो हो जाए 'मीर' का अंदाज़
तो लफ़्ज़ लफ़्ज़ से मा'नी का पैरहन महके
रहूँ ख़मोश तो फूलों को नींद आ जाए
पढ़ूँ जो शे'र तो लफ़्ज़ों का बाँकपन महके
लरज़ते होंटों की वो गुफ़्तुगू तो याद नहीं
बस इतना याद है बरसों लब-ओ-दहन महके
दबी हुई है जो सदियों से ग़म की चिंगारी
भड़क उठे तो ख़यालों की अंजुमन महके
कभी तो ऐसा ज़माना भी आए ऐ 'गौहर'
मोहब्बतों की फ़ज़ा से मिरा वतन महके
kabhī shu'ūr kabhī dil kabhī suḳhan mahke
kaho vo she'r ki duniya-e-fikr-o-fan mahke
'atā hameñ bhī jo ho jaa.e 'mīr' kā andāz
to lafz lafz se mā'nī kā pairahan mahke
rahūñ ḳhamosh to phūloñ ko niiñd aa jaa.e
paḌhūñ jo she'r to lafzoñ kā bāñkpan mahke
larazte hoñToñ kī vo guftugū to yaad nahīñ
bas itnā yaad hai barsoñ lab-o-dahan mahke
dabī huī hai jo sadiyoñ se ġham kī chingārī
bhaḌak uThe to ḳhayāloñ kī anjuman mahke
kabhī to aisā zamāna bhī aa.e ai 'gauhar'
mohabbatoñ kī fazā se mirā vatan mahke
کبھی شعور کبھی دل کبھی سخن مہکے
کہو وہ شعر کہ دنیائے فکر و فن مہکے
عطا ہمیں بھی جو ہو جائے میرؔ کا انداز
تو لفظ لفظ سے معنی کا پیرہن مہکے
رہوں خموش تو پھولوں کو نیند آ جائے
پڑھوں جو شعر تو لفظوں کا بانکپن مہکے
لرزتے ہونٹوں کی وہ گفتگو تو یاد نہیں
بس اتنا یاد ہے برسوں لب و دہن مہکے
دبی ہوئی ہے جو صدیوں سے غم کی چنگاری
بھڑک اٹھے تو خیالوں کی انجمن مہکے
کبھی تو ایسا زمانہ بھی آئے اے گوہرؔ
محبتوں کی فضا سے مرا وطن مہکے