मिट्टी था और दूध में गूँधा गया मुझे
इक चाँद के वजूद में गूँधा गया मुझे
मैं नीस्त और नबूद की इक कैफ़ियत में था
जब वहम-ए-हस्त-ओ-बूद में गूँधा गया मुझे
मैं चश्म-ए-कम-रसा से जिसे देखता न था
उस ख़्वाब-ए-ला-हुदूद में गूँधा गया मुझे
ख़स-ख़ाना-ए-ज़ियाँ की शररबारियों के बा'द
यख़-ज़ार-ए-नार-ए-सूद में गूँधा गया मुझे
इक दस्त-ए-ग़ैब ने मुझे ला चाक पर धरा
फिर वक़्त के जुमूद में गूँधा गया मुझे
इस में तो आसमाँ के शजर भी समर न दें
जिस ख़ाक-ए-बे-नुमूद में गूँधा गया मुझे
क़ौस-ए-क़ुज़ह की सम्त बहुत देखता था मैं
आख़िर गुबार-ओ-दूद में गूँधा गया मुझे
miTTī thā aur duudh meñ gūñdhā gayā mujhe
ik chāñd ke vajūd meñ gūñdhā gayā mujhe
maiñ niist aur nabūd kī ik kaifiyat meñ thā
jab vahm-e-hast-o-būd meñ gūñdhā gayā mujhe
maiñ chashm-e-kam-rasā se jise dekhtā na thā
us ḳhvāb-e-lā-hudūd meñ gūñdhā gayā mujhe
ḳhas-ḳhāna-e-ziyāñ kī shararbāriyoñ ke ba.ad
yaḳh-zār-e-nār-e-sūd meñ gūñdhā gayā mujhe
ik dast-e-ġhaib ne mujhe lā chaak par dharā
phir vaqt ke jumūd meñ gūñdhā gayā mujhe
is meñ to āsmāñ ke shajar bhī samar na deñ
jis ḳhāk-e-be-numūd meñ gūñdhā gayā mujhe
qaus-e-quzah kī samt bahut dekhtā thā maiñ
āḳhir ġhubār-o-dūd meñ gūñdhā gayā mujhe
مٹی تھا اور دودھ میں گوندھا گیا مجھے
اک چاند کے وجود میں گوندھا گیا مجھے
میں نیست اور نبود کی اک کیفیت میں تھا
جب وہم ہست و بود میں گوندھا گیا مجھے
میں چشم کم رسا سے جسے دیکھتا نہ تھا
اس خواب لا حدود میں گوندھا گیا مجھے
خس خانہ زیاں کی شرر باریوں کے بعد
یخ زار نار سود میں گوندھا گیا مجھے
اک دست غیب نے مجھے لا چاک پر دھرا
پھر وقت کے جمود میں گوندھا گیا مجھے
اس میں تو آسماں کے شجر بھی ثمر نہ دیں
جس خاک بے نمود میں گوندھا گیا مجھے
قوس قزح کی سمت بہت دیکھتا تھا میں
آخر غبار و دود میں گوندھا گیا مجھے