मिरी जुदाई में आँसू बहाए जाते हैं
ये फ़ित्ना मेरी लहद पर जगाए जाते हैं
ज़िया-ए-हुस्न को दरगाह-ए-दिल तरसती है
चराग़ दैर-ओ-हरम में जलाए जाते हैं
नहीं सताते किसी को भी जो ज़माने में
वही ज़माने में अक्सर सताए जाते हैं
ज़िया-ए-हुस्न से होता है जिन का दिल मा'मूर
चराग़ गोर पर उन की जलाए जाते हैं
फ़सानों से नहीं बनतीं हक़ीक़तें लेकिन
हक़ीक़तों से फ़साने बनाए जाते हैं
कहीं ग़ुरूर तकब्बुर कहीं फ़ुतूर-ए-ख़ुदी
हमारी राह में रहज़न बिठाए जाते हैं
अदब की महफ़िल-ए-रंगीं में रात-दिन 'फ़ारिग़'
मिरे फ़साने ही अक्सर सुनाए जाते हैं
mirī judā.ī meñ aañsū bahā.e jaate haiñ
ye fitna merī lahad par jagā.e jaate haiñ
ziyā-e-husn ko dargāh-e-dil tarastī hai
charāġh dair-o-haram meñ jalā.e jaate haiñ
nahīñ satāte kisī ko bhī jo zamāne meñ
vahī zamāne meñ aksar satā.e jaate haiñ
ziyā-e-husn se hotā hai jin kā dil ma.amūr
charāġh gor par un kī jalā.e jaate haiñ
fasānoñ se nahīñ bantīñ haqīqateñ lekin
haqīqatoñ se fasāne banā.e jaate haiñ
kahīñ ġhurūr takabbur kahīñ futūr-e-ḳhudī
hamārī raah meñ rahzan biThā.e jaate haiñ
adab kī mahfil-e-rañgīñ meñ rāt-din 'fāriġh'
mire fasāne hī aksar sunā.e jaate haiñ
مری جدائی میں آنسو بہائے جاتے ہیں
یہ فتنہ میری لحد پر جگائے جاتے ہیں
ضیائے حسن کو درگاہ دل ترستی ہے
چراغ دیر و حرم میں جلائے جاتے ہیں
نہیں ستاتے کسی کو بھی جو زمانے میں
وہی زمانے میں اکثر ستائے جاتے ہیں
ضیائے حسن سے ہوتا ہے جن کا دل معمور
چراغ گور پر ان کی جلائے جاتے ہیں
فسانوں سے نہیں بنتیں حقیقتیں لیکن
حقیقتوں سے فسانے بنائے جاتے ہیں
کہیں غرور تکبر کہیں فتور خودی
ہماری راہ میں رہزن بٹھائے جاتے ہیں
ادب کی محفل رنگیں میں رات دن فارغؔ
مرے فسانے ہی اکثر سنائے جاتے ہیں