मिरे मिटने पे गर तू भी मिटा होता तो क्या होता
तुझे भी सब्र ऐ दिल आ गया होता तो क्या होता
चले आते हैं लाखों सरफ़रोशी की तमन्ना में
तिरा कूचा अगर दारुश्शिफ़ा होता तो क्या होता
अदम से मैं न आता इस जहाँ में ग़म उठाने को
अगर हस्ती मुझे तेरा पता होता तो क्या होता
तुझी पे मुंसिफ़ी है ले तू ही इंसाफ़ से कह दे
अगर तेरी तरह मैं बेवफ़ा होता तो क्या होता
सितारे क्यूँ दिखाती मुझ को दिन भर मेरी नाकामी
वो शब को मल के अफ़्शाँ आ गया होता तो क्या होता
सर-ए-शोरीदा को मैं पत्थरों से फोड़ता फिरता
बुत-ए-काफ़िर जो तू मेरा ख़ुदा होता तो क्या होता
सबात उस को नहीं फिर भी फ़िदा है हज़रत-ए-इंसाँ
जो ये दार-ए-फ़ना दार-ए-बक़ा होता तो क्या होता
किसी के पास रह कर भी तड़पते हिज्र में 'नादिर'
हमें जन्नत में भी कुछ आसरा होता तो क्या होता
mire miTne pe gar tū bhī miTā hotā to kyā hotā
tujhe bhī sabr ai dil aa gayā hotā to kyā hotā
chale aate haiñ lākhoñ sarfaroshī kī tamannā meñ
tirā kūcha agar dārushshifā hotā to kyā hotā
adam se maiñ na aatā is jahāñ meñ ġham uThāne ko
agar hastī mujhe terā patā hotā to kyā hotā
tujhī pe munsifī hai le tū hī insāf se kah de
agar terī tarah maiñ bevafā hotā to kyā hotā
sitāre kyuuñ dikhātī mujh ko din bhar merī nākāmī
vo shab ko mal ke afshāñ aa gayā hotā to kyā hotā
sar-e-shorīda ko maiñ pattharoñ se phoḌtā phirtā
but-e-kāfir jo tū merā ḳhudā hotā to kyā hotā
sabāt us ko nahīñ phir bhī fidā hai hazrat-e-insāñ
jo ye dār-e-fanā dār-e-baqā hotā to kyā hotā
kisī ke paas rah kar bhī taḌapte hijr meñ 'nādir'
hameñ jannat meñ bhī kuchh aasrā hotā to kyā hotā
مرے مٹنے پہ گر تو بھی مٹا ہوتا تو کیا ہوتا
تجھے بھی صبر اے دل آ گیا ہوتا تو کیا ہوتا
چلے آتے ہیں لاکھوں سرفروشی کی تمنا میں
ترا کوچہ اگر دار الشفا ہوتا تو کیا ہوتا
عدم سے میں نہ آتا اس جہاں میں غم اٹھانے کو
اگر ہستی مجھے تیرا پتا ہوتا تو کیا ہوتا
تجھی پہ منصفی ہے لے تو ہی انصاف سے کہہ دے
اگر تیری طرح میں بے وفا ہوتا تو کیا ہوتا
ستارے کیوں دکھاتی مجھ کو دن بھر میری ناکامی
وہ شب کو مل کے افشاں آ گیا ہوتا تو کیا ہوتا
سر شوریدہ کو میں پتھروں سے پھوڑتا پھرتا
بت کافر جو تو میرا خدا ہوتا تو کیا ہوتا
ثبات اس کو نہیں پھر بھی فدا ہے حضرت انساں
جو یہ دار فنا دار بقا ہوتا تو کیا ہوتا
کسی کے پاس رہ کر بھی تڑپتے ہجر میں نادرؔ
ہمیں جنت میں بھی کچھ آسرا ہوتا تو کیا ہوتا