किए क़रार मगर बे-क़रार ही रक्खा
हमें तो आप ने उम्मीद-वार ही रक्खा
पस-ए-फ़ना भी फ़लक ने ग़ुबार ही रक्खा
न रक्खी ख़ाक न संग-ए-मज़ार ही रक्खा
किसी के दर्द-ए-जुदाई ने हम को जीते जी
मिसाल-ए-अब्र-ए-सियह अश्क-बार ही रक्खा
मैं तेग़-ए-यार का क्यूँ कर न दम भरूँ जिस ने
मज़े ख़लिश के दिए दिल-फ़िगार ही रक्खा
मिला न चैन कभी हम को ख़ाक हो कर भी
फ़लक ने दोश-ए-सबा पर सवार ही रक्खा
ख़याल-ए-आरिज़-ए-रंगीं ने रोज़ आ आ कर
ख़िज़ाँ में भी हमें महव-ए-बहार ही रक्खा
किसी की चश्म-ए-मुकयफ़ ने क्या कहीं 'नादिर'
तमाम 'उम्र हमें बादा-ख़्वार ही रक्खा
kiye qarār magar be-qarār hī rakkhā
hameñ to aap ne ummīd-vār hī rakkhā
pas-e-fanā bhī falak ne ġhubār hī rakkhā
na rakkhī ḳhaak na sañg-e-mazār hī rakkhā
kisī ke dard-e-judā.ī ne ham ko jiite jī
misāl-e-abr-e-siyah ashk-bār hī rakkhā
maiñ teġh-e-yār kā kyuuñ kar na dam bharūñ jis ne
maze ḳhalish ke diye dil-figār hī rakkhā
milā na chain kabhī ham ko ḳhaak ho kar bhī
falak ne dosh-e-sabā par savār hī rakkhā
ḳhayāl-e-āriz-e-rañgīñ ne roz aa aa kar
ḳhizāñ meñ bhī hameñ mahv-e-bahār hī rakkhā
kisī kī chashm-e-mukayyaf ne kyā kahīñ 'nādir'
tamām 'umr hameñ bāda-ḳhvār hī rakkhā
کئے قرار مگر بے قرار ہی رکھا
ہمیں تو آپ نے امیدوار ہی رکھا
پس فنا بھی فلک نے غبار ہی رکھا
نہ رکھی خاک نہ سنگ مزار ہی رکھا
کسی کے درد جدائی نے ہم کو جیتے جی
مثال ابر سیہ اشک بار ہی رکھا
میں تیغ یار کا کیوں کر نہ دم بھروں جس نے
مزے خلش کے دئیے دل فگار ہی رکھا
ملا نہ چین کبھی ہم کو خاک ہو کر بھی
فلک نے دوش صبا پر سوار ہی رکھا
خیال عارض رنگیں نے روز آ آ کر
خزاں میں بھی ہمیں محو بہار ہی رکھا
کسی کی چشم مکیف نے کیا کہیں نادرؔ
تمام عمر ہمیں بادہ خوار ہی رکھا