कोई उस ज़ालिम को समझाता नहीं
वो सितम करने से बाज़ आता नहीं
दश्त-ए-ग़म में कब मिरा नक़्श-ए-क़दम
हर क़दम पे आँख दिखलाता नहीं
दर्द-ए-फ़ुर्क़त से ज़बाँ दाँतों में है
क्या कहूँ कुछ भी कहा जाता नहीं
चश्म-ए-दिल से देख उसे तू देख ले
चश्म-ए-ज़ाहिर से नज़र आता नहीं
सब्र-ए-शौक़-ए-वस्ल-ए-जानाँ क्या करूँ
पर लगा कर भी उड़ा जाता नहीं
कब ख़याल-ए-ज़ुल्फ़ में हर रात को
दिल पे मेरे साँप लहराता नहीं
गुल से निस्बत क्या तिरे रुख़्सार को
ये तो वो गुल है जो कुम्हलाता नहीं
दर्द-ए-फ़ुर्क़त से है अब होंटों पे दम
फिर भी ज़ालिम को तरस आता नहीं
जान ली है जल्वा-ए-रुख़्सार ने
क़ब्र की ज़ुल्मत से घबराता नहीं
हुस्न की ख़ुद्दारियाँ तो देखिए
बे-ख़ुदी में भी वो हाथ आता नहीं
वो नहीं आते तो नादिर क्या गला
होश जब दो दो दोपहर आता नहीं
koī us zālim ko samjhātā nahīñ
vo sitam karne se baaz aatā nahīñ
dasht-e-ġham meñ kab mirā naqsh-e-qadam
har qadam pe aañkh dikhlātā nahīñ
dard-e-furqat se zabāñ dāñtoñ meñ hai
kyā kahūñ kuchh bhī kahā jaatā nahīñ
chashm-e-dil se dekh use tū dekh le
chashm-e-zāhir se nazar aatā nahīñ
sabr-e-shauq-e-vasl-e-jānāñ kyā karūñ
par lagā kar bhī uḌā jaatā nahīñ
kab ḳhayāl-e-zulf meñ har raat ko
dil pe mere saañp lahrātā nahīñ
gul se nisbat kyā tire ruḳhsār ko
ye to vo gul hai jo kumhlātā nahīñ
dard-e-furqat se hai ab hoñToñ pe dam
phir bhī zālim ko taras aatā nahīñ
jaan lī hai jalva-e-ruḳhsār ne
qabr kī zulmat se ghabrātā nahīñ
husn kī ḳhuddāriyāñ to dekhiye
be-ḳhudī meñ bhī vo haath aatā nahīñ
vo nahīñ aate to nādir kyā galā
hosh jab do do dopahar aatā nahīñ
کوئی اس ظالم کو سمجھاتا نہیں
وہ ستم کرنے سے باز آتا نہیں
دشت غم میں کب مرا نقش قدم
ہر قدم پہ آنکھ دکھلاتا نہیں
درد فرقت سے زباں دانتوں میں ہے
کیا کہوں کچھ بھی کہا جاتا نہیں
چشم دل سے دیکھ اسے تو دیکھ لے
چشم ظاہر سے نظر آتا نہیں
صبر شوق وصل جاناں کیا کروں
پر لگا کر بھی اڑا جاتا نہیں
کب خیال زلف میں ہر رات کو
دل پہ میرے سانپ لہراتا نہیں
گل سے نسبت کیا ترے رخسار کو
یہ تو وہ گل ہے جو کمہلاتا نہیں
درد فرقت سے ہے اب ہونٹوں پہ دم
پھر بھی ظالم کو ترس آتا نہیں
جان لی ہے جلوۂ رخسار نے
قبر کی ظلمت سے گھبراتا نہیں
حسن کی خودداریاں تو دیکھیے
بے خودی میں بھی وہ ہاتھ آتا نہیں
وہ نہیں آتے تو نادر کیا گلا
ہوش جب دو دو دوپہر آتا نہیں