दिल मिट गया तो ख़ैर ज़रूरत नहीं रही
हसरत ये रह गई है कि हसरत नहीं रही
ये दिल बदल गया कि ज़माना बदल गया
या तेरी आँख में वो मुरव्वत नहीं रही
तेरी नज़र के साथ बदलता रहा है दिल
दो रोज़ भी तो एक सी हालत नहीं रही
तर-दामनी से हाथ न धो ऐ दिल-ए-हज़ीं
क्या अब ख़ुदा की जोश पे रहमत नहीं रही
देखेगा ख़्वाब में भी न वो सूरत-ए-सुकूँ
जिस को ख़ुदा से चश्म-ए-इनायत नहीं रही
उन की गली नहीं है न उन का हरीम है
जन्नत भी मेरे वास्ते जन्नत नहीं रही
किस शब तड़प तड़प के न काटी तमाम शब
किस रोज़ मेरे घर पे क़यामत नहीं रही
'नादिर' न आए हर्फ़ तुम्हारी ज़बान पर
वो शेर क्या है जिस में फ़साहत नहीं रही
dil miT gayā to ḳhair zarūrat nahīñ rahī
hasrat ye rah ga.ī hai ki hasrat nahīñ rahī
ye dil badal gayā ki zamāna badal gayā
yā terī aañkh meñ vo muravvat nahīñ rahī
terī nazar ke saath badaltā rahā hai dil
do roz bhī to ek sī hālat nahīñ rahī
tar-dāmanī se haath na dho ai dil-e-hazīñ
kyā ab ḳhudā kī josh pe rahmat nahīñ rahī
dekhegā ḳhvāb meñ bhī na vo sūrat-e-sukūñ
jis ko ḳhudā se chashm-e-ināyat nahīñ rahī
un kī galī nahīñ hai na un kā harīm hai
jannat bhī mere vāste jannat nahīñ rahī
kis shab taḌap taḌap ke na kaaTī tamām shab
kis roz mere ghar pe qayāmat nahīñ rahī
'nādir' na aa.e harf tumhārī zabān par
vo sher kyā hai jis meñ fasāhat nahīñ rahī
دل مٹ گیا تو خیر ضرورت نہیں رہی
حسرت یہ رہ گئی ہے کہ حسرت نہیں رہی
یہ دل بدل گیا کہ زمانہ بدل گیا
یا تیری آنکھ میں وہ مروت نہیں رہی
تیری نظر کے ساتھ بدلتا رہا ہے دل
دو روز بھی تو ایک سی حالت نہیں رہی
تر دامنی سے ہاتھ نہ دھو اے دل حزیں
کیا اب خدا کی جوش پہ رحمت نہیں رہی
دیکھے گا خواب میں بھی نہ وہ صورت سکوں
جس کو خدا سے چشم عنایت نہیں رہی
ان کی گلی نہیں ہے نہ ان کا حریم ہے
جنت بھی میرے واسطے جنت نہیں رہی
کس شب تڑپ تڑپ کے نہ کاٹی تمام شب
کس روز میرے گھر پہ قیامت نہیں رہی
نادرؔ نہ آئے حرف تمہاری زبان پر
وہ شعر کیا ہے جس میں فصاحت نہیں رہی