हम उन के ग़म में तड़प रहे हैं जो ग़ैर से दिल लगा चुके हैं
हमारे दिल में है याद उन की जो हम को दिल से भुला चुके हैं
बला-ए-महशर भी सहल उन को अज़ाब-ए-दोज़ख़ भी उन को आसाँ
जो तेरी उल्फ़त में अपने दिल पर ग़म-ए-जुदाई उठा चुके हैं
अदू से जा कर करो ये बातें वहीं गुज़ारो तुम अपनी रातें
तुम्हारी बातों में आ चुके हम तुम्हें बहुत आज़मा चुके हैं
अगर न आएँ नज़र न आएँ नहीं है कुछ भी ख़याल इस का
कहाँ वो जाएँगे मुँह छुपा कर हमारे दिल में जब आ चुके हैं
ये क्या क़यामत है या इलाही कि उन की आमद का हाल सुन कर
शकेब-ओ-सब्र-ओ-क़रार होश-ओ-हवास पहले ही जा चुके हैं
ख़याल कुछ भी नहीं है तुझ को बुत-ए-परीवश हमारा हम तो
तिरी मोहब्बत में नक़्द-ए-जान-ओ-दिल-ओ-जिगर भी लुटा चुके हैं
बुतों को देना न भूल कर दिल न उन पे होना ज़रा भी माइल
नहीं है जुज़ रंज उन से हासिल तुझे ये 'नादिर' जता चुके हैं
ham un ke ġham meñ taḌap rahe haiñ jo ġhair se dil lagā chuke haiñ
hamāre dil meñ hai yaad un kī jo ham ko dil se bhulā chuke haiñ
balā-e-mahshar bhī sahal un ko azāb-e-dozaḳh bhī un ko āsāñ
jo terī ulfat meñ apne dil par ġham-e-judā.ī uThā chuke haiñ
adū se jā kar karo ye bāteñ vahīñ guzāro tum apnī rāteñ
tumhārī bātoñ meñ aa chuke ham tumheñ bahut aazmā chuke haiñ
agar na aa.eñ nazar na aa.eñ nahīñ hai kuchh bhī ḳhayāl is kā
kahāñ vo jā.eñge muñh chhupā kar hamāre dil meñ jab aa chuke haiñ
ye kyā qayāmat hai yā ilāhī ki un kī aamad kā haal sun kar
shakeb-o-sabr-o-qarār hosh-o-havās pahle hī jā chuke haiñ
ḳhayāl kuchh bhī nahīñ hai tujh ko but-e-parīvash hamārā ham to
tirī mohabbat meñ naqd-e-jān-o-dil-o-jigar bhī luTā chuke haiñ
butoñ ko denā na bhuul kar dil na un pe honā zarā bhī maa.il
nahīñ hai juz rañj un se hāsil tujhe ye 'nādir' jatā chuke haiñ
ہم ان کے غم میں تڑپ رہے ہیں جو غیر سے دل لگا چکے ہیں
ہمارے دل میں ہے یاد ان کی جو ہم کو دل سے بھلا چکے ہیں
بلائے محشر بھی سہل ان کو عذاب دوزخ بھی ان کو آساں
جو تیری الفت میں اپنے دل پر غم جدائی اٹھا چکے ہیں
عدو سے جا کر کرو یہ باتیں وہیں گزارو تم اپنی راتیں
تمہاری باتوں میں آ چکے ہم تمہیں بہت آزما چکے ہیں
اگر نہ آئیں نظر نہ آئیں نہیں ہے کچھ بھی خیال اس کا
کہاں وہ جائیں گے منہ چھپا کر ہمارے دل میں جب آ چکے ہیں
یہ کیا قیامت ہے یا الٰہی کہ ان کی آمد کا حال سن کر
شکیب و صبر و قرار ہوش و حواس پہلے ہی جا چکے ہیں
خیال کچھ بھی نہیں ہے تجھ کو بت پریوش ہمارا ہم تو
تری محبت میں نقد جان و دل و جگر بھی لٹا چکے ہیں
بتوں کو دینا نہ بھول کر دل نہ ان پہ ہونا ذرا بھی مائل
نہیں ہے جز رنج ان سے حاصل تجھے یہ نادرؔ جتا چکے ہیں