मेरी सूरत से वो अंजान भी हो सकता है
मेरे मिलने से वो हैरान भी हो सकता है
तुम तो हर बात में ढूँडो हो मुनाफ़ा' लेकिन
इस मोहब्बत में तो नुक़सान भी हो सकता है
मुस्कुराते हुए फूलों की नज़ाकत पे न जा
कोई अंदर से परेशान भी हो सकता है
बेवफ़ा जिस को सर-ए-बज़्म कहे जाते हो
वो तिरे इश्क़ में क़ुर्बान भी हो सकता है
आज जिस शख़्स के शिकवे हैं तिरे होंटों पर
कल यही शख़्स तिरी जान भी हो सकता है
ये ज़रूरी तो नहीं इश्क़ हो दिल्ली में फ़क़त
शहर-ए-महबूब तो मुल्तान भी हो सकता है
देखो उलझो नहीं दरवेश से हरगिज़ लोगो
वर्ना फिर शहर ये वीरान भी हो सकता है
अब जो पहने हुए गुज़रा है फ़क़ीरों सा लिबास
ये गए वक़्त का सुल्तान भी हो सकता है
तुम जिसे दार पे ले आए हो काफ़िर कह कर
ये तो बेचारा मुसलमान भी हो सकता है
है जो ग़ुंचों से भरा आप का गुलशन 'फ़ैसल'
इश्क़ में ये तो बयाबान भी हो सकता है
merī sūrat se vo anjān bhī ho saktā hai
mere milne se vo hairān bhī ho saktā hai
tum to har baat meñ DhūñDo ho munāfa lekin
is mohabbat meñ to nuqsān bhī ho saktā hai
muskurāte hue phūloñ kī nazākat pe na jā
koī andar se pareshān bhī ho saktā hai
bevafā jis ko sar-e-bazm kahe jaate ho
vo tire ishq meñ qurbān bhī ho saktā hai
aaj jis shaḳhs ke shikve haiñ tire hoñToñ par
kal yahī shaḳhs tirī jaan bhī ho saktā hai
ye zarūrī to nahīñ ishq ho dillī meñ faqat
shahr-e-mahbūb to multān bhī ho saktā hai
dekho uljho nahīñ darvesh se hargiz logo
varna phir shahr ye vīrān bhī ho saktā hai
ab jo pahne hue guzrā hai faqīroñ sā libās
ye ga.e vaqt kā sultān bhī ho saktā hai
tum jise daar pe le aa.e ho kāfir kah kar
ye to bechāra musalmān bhī ho saktā hai
hai jo ġhunchoñ se bharā aap kā gulshan 'faisal'
ishq meñ ye to bayābān bhī ho saktā hai
میری صورت سے وہ انجان بھی ہو سکتا ہے
میرے ملنے سے وہ حیران بھی ہو سکتا ہے
تم تو ہر بات میں ڈھونڈو ہو منافع لیکن
اس محبت میں تو نقصان بھی ہو سکتا ہے
مسکراتے ہوئے پھولوں کی نزاکت پہ نہ جا
کوئی اندر سے پریشان بھی ہو سکتا ہے
بے وفا جس کو سر بزم کہے جاتے ہو
وہ ترے عشق میں قربان بھی ہو سکتا ہے
آج جس شخص کے شکوے ہیں ترے ہونٹوں پر
کل یہی شخص تری جان بھی ہو سکتا ہے
یہ ضروری تو نہیں عشق ہو دلی میں فقط
شہر محبوب تو ملتان بھی ہو سکتا ہے
دیکھو الجھو نہیں درویش سے ہرگز لوگو
ورنہ پھر شہر یہ ویران بھی ہو سکتا ہے
اب جو پہنے ہوئے گزرا ہے فقیروں سا لباس
یہ گئے وقت کا سلطان بھی ہو سکتا ہے
تم جسے دار پہ لے آئے ہو کافر کہہ کر
یہ تو بیچارہ مسلمان بھی ہو سکتا ہے
ہے جو غنچوں سے بھرا آپ کا گلشن فیصلؔ
عشق میں یہ تو بیابان بھی ہو سکتا ہے