मेरी इज़्ज़त बढ़ गई इक पान में
फ़र्क़ क्या आया तुम्हारी शान में
उन को देखा तो कहा यूँ कान में
क्यूँ ख़लल डाला मिरे ईमान में
आशिक़ी है बहर-ए-नापैदा-कनार
कश्ती-ए-दिल आ गई तूफ़ान में
है यही पहचान बाली उम्र की
बालियाँ वो दो फ़क़त हैं कान में
तेरे सदक़े के लिए हाज़िर हैं सब
दुर समुंदर में जवाहर कान में
दे के दिल उस बुत को अपना कर लिया
इस तिजारत में नहीं नुक़सान में
क्या मय-ए-गुल-गूँ से रौनक़ घट गई
रंग बल्कि आ गया ईमान में
उस बुत-ए-काफ़िर को सज्दा कर लिया
इस से क्या आया ख़लल ईमान में
तुम परी का फ़ख़्र हो हूरों का नाज़
काश होते फ़िरक़ा-ए-इंसान में
उस के रुख़्सारों पे है ख़त की नुमूद
हाशिया ये है नया क़ुरआन में
गेसू-ए-पेचाँ तिरे रुख़्सार पर
सूरा-ए-वल्लैल है क़ुरआन में
आरिज़-ए-ताबाँ पे है ख़त की नुमूद
हब्शियों की फ़ौज या ईरान में
कह दो पेश आया करे अच्छी तरह
चल न जाए मुझ में और दरबान में
वो करें ज़ुल्म और तुम लब पर न लाओ
वर्ना गुस्ताख़ी है उन की शान में
सुनते सुनते वाइज़ों से हज्व-ए-मय
ज़ोफ़ सा कुछ आ गया ईमान में
यूँ कहूँगा वूँ कहूँगा था ख़याल
रू-ब-रू कुछ भी न आया ध्यान में
उस की क़ुदरत से नहीं 'परवीं' बईद
राई को पर्बत बना दे आन में
merī izzat baḌh ga.ī ik paan meñ
farq kyā aayā tumhārī shaan meñ
un ko dekhā to kahā yuuñ kaan meñ
kyuuñ ḳhalal Daalā mire īmān meñ
āshiqī hai bahar-e-nāpaidā-kanār
kashti-e-dil aa ga.ī tūfān meñ
hai yahī pahchān baalī umr kī
bāliyāñ vo do faqat haiñ kaan meñ
tere sadqe ke liye hāzir haiñ sab
dur samundar meñ javāhar kaan meñ
de ke dil us but ko apnā kar liyā
is tijārat meñ nahīñ nuqsān meñ
kyā mai-e-gul-gūñ se raunaq ghaT ga.ī
rañg balki aa gayā īmān meñ
us but-e-kāfir ko sajda kar liyā
is se kyā aayā ḳhalal īmān meñ
tum parī kā faḳhr ho hūroñ kā naaz
kaash hote firqa-e-insān meñ
us ke ruḳhsāroñ pe hai ḳhat kī numūd
hāshiya ye hai nayā qur.ān meñ
gesu-e-pechāñ tire ruḳhsār par
sūra-e-vallail hai qur.ān meñ
āriz-e-tābāñ pe hai ḳhat kī numūd
habshiyoñ kī fauj yā īrān meñ
kah do pesh aayā kare achchhī tarah
chal na jaa.e mujh meñ aur darbān meñ
vo kareñ zulm aur tum lab par na laao
varna gustāḳhī hai un kī shaan meñ
sunte sunte vā.izoñ se hajv-e-mai
zo.af sā kuchh aa gayā īmān meñ
yuuñ kahūñgā vuuñ kahūñgā thā ḳhayāl
rū-ba-rū kuchh bhī na aayā dhyān meñ
us kī qudrat se nahīñ 'parvīñ' ba.iid
raa.ī ko parbat banā de aan meñ
میری عزت بڑھ گئی اک پان میں
فرق کیا آیا تمہاری شان میں
ان کو دیکھا تو کہا یوں کان میں
کیوں خلل ڈالا مرے ایمان میں
عاشقی ہے بحر ناپیداکنار
کشتئ دل آ گئی طوفان میں
ہے یہی پہچان بالی عمر کی
بالیاں وہ دو فقط ہیں کان میں
تیرے صدقے کے لئے حاضر ہیں سب
در سمندر میں جواہر کان میں
دے کے دل اس بت کو اپنا کر لیا
اس تجارت میں نہیں نقصان میں
کیا مے گلگوں سے رونق گھٹ گئی
رنگ بلکہ آ گیا ایمان میں
اس بت کافر کو سجدہ کر لیا
اس سے کیا آیا خلل ایمان میں
تم پری کا فخر ہو حوروں کا ناز
کاش ہوتے فرقۂ انسان میں
اس کے رخساروں پہ ہے خط کی نمود
حاشیہ یہ ہے نیا قرآن میں
گیسوئے پیچاں ترے رخسار پر
سورۂ واللیل ہے قرآن میں
عارض تاباں پہ ہے خط کی نمود
حبشیوں کی فوج یا ایران میں
کہہ دو پیش آیا کرے اچھی طرح
چل نہ جائے مجھ میں اور دربان میں
وہ کریں ظلم اور تم لب پر نہ لاؤ
ورنہ گستاخی ہے ان کی شان میں
سنتے سنتے واعظوں سے ہجو مے
ضعف سا کچھ آ گیا ایمان میں
یوں کہوں گا ووں کہوں گا تھا خیال
روبرو کچھ بھی نہ آیا دھیان میں
اس کی قدرت سے نہیں پرویںؔ بعید
رائی کو پربت بنا دے آن میں