मेरे पहलू में किसी जिस्म का साया था मगर
वो मिरे पास बहुत दूर से आया था मगर
पर्दा हटते ही वही देखी दिखाई फिल्में
रस्म-ए-दुनिया का वही खेल-तमाशा था मगर
अब कहाँ मौज-ए-सर-ए-दहर में लफ़्ज़ों का भँवर
वर्ना मिट्टी तो बताती है कि दरिया था मगर
जड़ उखड़ने पे कहाँ सा’अत-ए-सब्ज़ आई है
मुझ पे बादल तो बहुत ज़ोर से बरसा था मगर
ख़ुद से बिछड़े हुए इक और बरस बीत गया
अपने अंदर से निकलते हुए रोया था मगर
कौन ता-'उम्र फ़लक-बोस रहा होगा 'ख़लील'
वर्ना अफ़्लाक से रिश्ता मिरा दोहरा था मगर
mere pahlū meñ kisī jism kā saaya thā magar
vo mire paas bahut duur se aayā thā magar
parda haTte hī vahī dekhī dikhā.ī filmeñ
rasm-e-duniyā kā vahī khel-tamāsha thā magar
ab kahāñ mauj-e-sar-e-dahr meñ lafzoñ kā bhañvar
varna miTTī to batātī hai ki dariyā thā magar
jaḌ ukhaḌne pe kahāñ sā’at-e-sabz aa.ī hai
mujh pe bādal to bahut zor se barsā thā magar
ḳhud se bichhḌe hue ik aur baras biit gayā
apne andar se nikalte hue royā thā magar
kaun tā-'umr falak-bos rahā hogā 'ḳhalīl'
varna aflāk se rishta mirā dohrā thā magar
میرے پہلو میں کسی جسم کا سایہ تھا مگر
وہ مرے پاس بہت دور سے آیا تھا مگر
پردہ ہٹتے ہی وہی دیکھی دکھائی فلمیں
رسم دنیا کا وہی کھیل تماشہ تھا مگر
اب کہاں موج سر دہر میں لفظوں کا بھنور
ورنہ مٹی تو بتاتی ہے کہ دریا تھا مگر
جڑ اکھڑنے پہ کہاں ساعت سبز آئی ہے
مجھ پہ بادل تو بہت زور سے برسا تھا مگر
خود سے بچھڑے ہوئے اک اور برس بیت گیا
اپنے اندر سے نکلتے ہوئے رویا تھا مگر
کون تا عمر فلک بوس رہا ہوگا خلیلؔ
ورنہ افلاک سے رشتہ مرا دہرا تھا مگر