मेरे लिए हज़ार करे एहतिमाम हिर्स
मैं वो हों मुझ पे डाल सकेगी न दाम हिर्स
है कुछ न कुछ हर आदमी को ला-कलाम हिर्स
लेकिन न इस क़दर कि बना ले ग़ुलाम हिर्स
ऐ ज़ुल्फ़ फैल फैल के रुख़्सार को न ढाँक
कर नीम-रोज़ की न शह-ए-मुल्क-ए-शाम हिर्स
वाइ'ज़ शराब-ओ-हूर की उल्फ़त में ग़र्क़ है
है सर से पाँव तक ये सितम-गर तमाम हिर्स
दिल छीन आशिक़ों के मगर होशियार रह
ऐसा न हो कि दिल को बना ले ग़ुलाम हिर्स
नाक़िस रहेंगे सारे तलव्वुन से कारोबार
करने न देगी तुझ को यहाँ कोई काम हिर्स
क़ब्ज़ा उठाएगी न दिल-ए-रोज़गार से
जब तक न ज़िंदगी का करे इख़्तिताम हिर्स
मुद्दत से इश्तियाक़ है बोस-ओ-कनार का
गर हुक्म हो शुरूअ' करे अपना काम हिर्स
'परवीं' लगी हुई है ख़ुदा से मुझे उमीद
दिल को मिरे बनाए न अपना ग़ुलाम हिर्स
mere liye hazār kare ehtimām hirs
maiñ vo hoñ mujh pe Daal sakegī na daam hirs
hai kuchh na kuchh har aadmī ko lā-kalām hirs
lekin na is qadar ki banā le ġhulām hirs
ai zulf phail phail ke ruḳhsār ko na Dhāñk
kar nīm-roz kī na shah-e-mulk-e-shām hirs
vaa.iz sharāb-o-hūr kī ulfat meñ ġharq hai
hai sar se paañv tak ye sitam-gar tamām hirs
dil chhīn āshiqoñ ke magar hoshiyār rah
aisā na ho ki dil ko banā le ġhulām hirs
nāqis raheñge saare talavvun se kārobār
karne na degī tujh ko yahāñ koī kaam hirs
qabza uThā.egī na dil-e-rozgār se
jab tak na zindagī kā kare iḳhtitām hirs
muddat se ishtiyāq hai bos-o-kanār kā
gar hukm ho shurūa kare apnā kaam hirs
'parvīñ' lagī huī hai ḳhudā se mujhe umiid
dil ko mire banā.e na apnā ġhulām hirs
میرے لیے ہزار کرے اہتمام حرص
میں وہ ہوں مجھ پہ ڈال سکے گی نہ دام حرص
ہے کچھ نہ کچھ ہر آدمی کو لا کلام حرص
لیکن نہ اس قدر کہ بنا لے غلام حرص
اے زلف پھیل پھیل کے رخسار کو نہ ڈھانک
کر نیم روز کی نہ شہ ملک شام حرص
واعظ شراب و حور کی الفت میں غرق ہے
ہے سر سے پاؤں تک یہ ستمگر تمام حرص
دل چھین عاشقوں کے مگر ہوشیار رہ
ایسا نہ ہو کہ دل کو بنا لے غلام حرص
ناقص رہیں گے سارے تلون سے کاروبار
کرنے نہ دے گی تجھ کو یہاں کوئی کام حرص
قبضہ اٹھائے گی نہ دل روزگار سے
جب تک نہ زندگی کا کرے اختتام حرص
مدت سے اشتیاق ہے بوس و کنار کا
گر حکم ہو شروع کرے اپنا کام حرص
پرویںؔ لگی ہوئی ہے خدا سے مجھے امید
دل کو مرے بنائے نہ اپنا غلام حرص