मज़हका आओ उड़ाएँ इश्क़-ए-बे-बुनियाद का
इक जुदा मदफ़न बनाएँ तेशा-ए-फ़रहाद का
वाह-वाह क्या रंग बदला गुलशन-ए-ईजाद का
साया-ए-गुल पर गुमाँ होने लगा सय्याद का
बह चला है अश्क-ए-हसरत अल-मदद ऐ बर्क़-ए-यास
ये भी इक दाना है मेरे ख़िर्मन-ए-बर्बाद का
किस निगाह-ए-गर्म से देखा है उस ने वक़्त क़त्ल
आह ठंडी पड़ गई दम घुट गया फ़रियाद का
ग़ुंचा ग़ुंचा ख़ौफ़ से मुझ को नज़र आया क़फ़स
पत्ते पत्ते पर हुआ धोका कफ़-ए-सैय्याद का
ये समझ लीजे किसी शा'इर के दिल का टूटना
टूट जाना है तिलिस्म-ए-आलम-ए-ईजाद का
हो न एहसास-ए-असीरी तो रिहाई है मुहाल
ऐसे क़ैदी नाम तक लेते नहीं मीआ'द का
ज़ो'फ़ की ये हिम्मतें हैं ना-तवानी का ये ज़ोर
टुकड़े टुकड़े कर दिया दामन मिरी फ़रियाद का
उस सुख़नवर से मुझे फ़ैज़-ए-सुख़न है ऐ 'हफ़ीज़'
नाम-ए-नामी है गिरामी जिस जहाँ उस्ताद का
maz.haka aao uḌā.eñ ishq-e-be-buniyād kā
ik judā madfan banā.eñ tesha-e-farhād kā
vāh-vāh kyā rang badlā gulshan-e-ījād kā
sāya-e-gul par gumāñ hone lagā sayyād kā
bah chalā hai ashk-e-hasrat al-madad ai barq-e-yās
ye bhī ik daana hai mere ḳhirman-e-barbād kā
kis nigāh-e-garm se dekhā hai us ne vaqt qatl
aah ThanDī paḌ ga.ī dam ghuT gayā fariyād kā
ġhuncha ġhuncha ḳhauf se mujh ko nazar aayā qafas
patte patte par huā dhokā kaf-e-saiyād kā
ye samajh liije kisī shā'ir ke dil kā TūTnā
TuuT jaanā hai tilism-e-ālam-e-ījād kā
ho na ehsās-e-asīrī to rihā.ī hai muhāl
aise qaidī naam tak lete nahīñ mī'ād kā
zo'f kī ye himmateñ haiñ nā-tavānī kā ye zor
TukḌe TukḌe kar diyā dāman mirī fariyād kā
us suḳhanvar se mujhe faiz-e-suḳhan hai ai 'hafīz'
nām-e-nāmī hai girāmī jis jahāñ ustād kā
مضحکہ آؤ اڑائیں عشق بے بنیاد کا
اک جدا مدفن بنائیں تیشۂ فرہاد کا
واہ واہ کیا رنگ بدلا گلشن ایجاد کا
سایۂ گل پر گماں ہونے لگا صیاد کا
بہہ چلا ہے اشک حسرت المدد اے برق یاس
یہ بھی اک دانہ ہے میرے خرمن برباد کا
کس نگاہ گرم سے دیکھا ہے اس نے وقت قتل
آہ ٹھنڈی پڑ گئی دم گھٹ گیا فریاد کا
غنچہ غنچہ خوف سے مجھ کو نظر آیا قفس
پتے پتے پر ہوا دھوکا کف صیاد کا
یہ سمجھ لیجے کسی شاعر کے دل کا ٹوٹنا
ٹوٹ جانا ہے طلسم عالم ایجاد کا
ہو نہ احساس اسیری تو رہائی ہے محال
ایسے قیدی نام تک لیتے نہیں میعاد کا
ضعف کی یہ ہمتیں ہیں ناتوانی کا یہ زور
ٹکڑے ٹکڑے کر دیا دامن مری فریاد کا
اس سخنور سے مجھے فیض سخن ہے اے حفیظؔ
نام نامی ہے گرامی جس جہاں استاد کا