मई का आग लगाता हुआ महीना था
घटा ने मुझ से मिरा आफ़्ताब छीना था
बजा कि तुझ सा रफ़ूगर न मिल सका लेकिन
ये तार तार वजूद एक दिन तो सीना था
उसे ये ज़िद थी कि हर साँस उस की ख़ातिर हो
मगर मुझे तो ज़माने के साथ जीना था
ये हम ही थे जो बचा लाए अपनी जाँ दे कर
हवा की ज़द पे तिरी याद का सफ़ीना था
नदी ख़जिल थी कि भीगी हुई थी पानी में
मगर पहाड़ के माथे पे क्यूँ पसीना था
तुम उन सुलगते हुए आँसुओं का ग़म न करो
हमें तो रोज़ ही ये ज़हर हँस के पीना था
तमाम-उम्र किसी का न बन सका 'शबनम'
वो जिस को बात बनाने का भी क़रीना था
may kā aag lagātā huā mahīna thā
ghaTā ne mujh se mirā āftāb chhīnā thā
bajā ki tujh sā rafūgar na mil sakā lekin
ye taar taar vajūd ek din to siinā thā
use ye zid thī ki har saañs us kī ḳhātir ho
magar mujhe to zamāne ke saath jiinā thā
ye ham hī the jo bachā laa.e apnī jaañ de kar
havā kī zad pe tirī yaad kā safīna thā
nadī ḳhajil thī ki bhīgī huī thī paanī meñ
magar pahāḌ ke māthe pe kyuuñ pasīnā thā
tum un sulagte hue āñsuoñ kā ġham na karo
hameñ to roz hī ye zahr hañs ke piinā thā
tamām-umr kisī kā na ban sakā 'shabnam'
vo jis ko baat banāne kā bhī qarīnā thā
مئی کا آگ لگاتا ہوا مہینہ تھا
گھٹا نے مجھ سے مرا آفتاب چھینا تھا
بجا کہ تجھ سا رفوگر نہ مل سکا لیکن
یہ تار تار وجود ایک دن تو سینا تھا
اسے یہ ضد تھی کہ ہر سانس اس کی خاطر ہو
مگر مجھے تو زمانے کے ساتھ جینا تھا
یہ ہم ہی تھے جو بچا لائے اپنی جاں دے کر
ہوا کی زد پہ تری یاد کا سفینہ تھا
ندی خجل تھی کہ بھیگی ہوئی تھی پانی میں
مگر پہاڑ کے ماتھے پہ کیوں پسینا تھا
تم ان سلگتے ہوئے آنسوؤں کا غم نہ کرو
ہمیں تو روز ہی یہ زہر ہنس کے پینا تھا
تمام عمر کسی کا نہ بن سکا شبنمؔ
وہ جس کو بات بنانے کا بھی قرینا تھا