बसंती रुत है सब फूलों को तू महफ़ूज़ रखना
मेरे अल्लह खिली सरसों को तू महफ़ूज़ रखना
सरों को काटने की फ़स्ल फिर से आ गई है
इन अफ़्शाँ से भरी मांगों को तू महफ़ूज़ रखना
जलें जब घर तो या-रब तुझ से इतनी इल्तिजा है
दुपट्टों से ढके चेहरों को तू महफ़ूज़ रखना
फ़ज़ाओं में हज़ारों बाज़ मंडलाने लगे हैं
हर आँगन की सभी चिड़ियों को तू महफ़ूज़ रखना
अभी खे़मे भी हैं कूज़े भी हैं पानी नहीं है
क़सम अब्बास की बच्चों को तू महफ़ूज़ रखना
बुज़ुर्गों की दुआएँ आज कितनी लाज़मी हैं
जवानों के लिए बूढ़ों को तू महफ़ूज़ रखना
सवा नेज़े पे सूरज आ रहा है आ न जाए
हवाओं के ख़ुनुक झोंकों को तू महफ़ूज़ रखना
सुलगती रुत में 'शबनम' ये तिरा ही फ़र्ज़ ठहरा
चमन में अब के सब कलियों को तू महफ़ूज़ रखना
basantī rut hai sab phūloñ ko tū mahfūz rakhnā
mere allah khilī sarsoñ ko tū mahfūz rakhnā
saroñ ko kāTne kī fasl phir se aa ga.ī hai
in afshāñ se bharī māñgoñ ko tū mahfūz rakhnā
jaleñ jab ghar to yā-rab tujh se itnī iltijā hai
dupaTToñ se Dhake chehroñ ko tū mahfūz rakhnā
fazāoñ meñ hazāroñ baaz mañDlāne lage haiñ
har āñgan kī sabhī chiḌiyoñ ko tū mahfūz rakhnā
abhī ḳheme bhī haiñ kuuze bhī haiñ paanī nahīñ hai
qasam abbās kī bachchoñ ko tū mahfūz rakhnā
buzurgoñ kī duā.eñ aaj kitnī lāzmī haiñ
javānoñ ke liye būḌhoñ ko tū mahfūz rakhnā
savā neze pe sūraj aa rahā hai aa na jaa.e
havāoñ ke ḳhunuk jhoñkoñ ko tū mahfūz rakhnā
sulagtī rut meñ 'shabnam' ye tirā hī farz Thahrā
chaman meñ ab ke sab kaliyoñ ko tū mahfūz rakhnā
بسنتی رت ہے سب پھولوں کو تو محفوظ رکھنا
میرے اللہ کھلی سرسوں کو تو محفوظ رکھنا
سروں کو کاٹنے کی فصل پھر سے آ گئی ہے
ان افشاں سے بھری مانگوں کو تو محفوظ رکھنا
جلیں جب گھر تو یا رب تجھ سے اتنی التجا ہے
دوپٹوں سے ڈھکے چہروں کو تو محفوظ رکھنا
فضاؤں میں ہزاروں باز منڈلانے لگے ہیں
ہر آنگن کی سبھی چڑیوں کو تو محفوظ رکھنا
ابھی خیمے بھی ہیں کوزے بھی ہیں پانی نہیں ہے
قسم عباس کی بچوں کو تو محفوظ رکھنا
بزرگوں کی دعائیں آج کتنی لازمی ہیں
جوانوں کے لئے بوڑھوں کو تو محفوظ رکھنا
سوا نیزے پہ سورج آ رہا ہے آ نہ جائے
ہواؤں کے خنک جھونکوں کو تو محفوظ رکھنا
سلگتی رت میں شبنمؔ یہ ترا ہی فرض ٹھہرا
چمن میں اب کے سب کلیوں کو تو محفوظ رکھنا