हवाएँ बे-‘इनाँ हैं आज घर से दूर मत जाओ कहा था ना
अगर जाओ चले जाना मगर जल्दी ही लौट आओ कहा था ना
कहा था ना ये दुनिया कब किसी का साथ देती है फ़रेबी है
किसी पर मत यक़ीं करना ज़रा सोचो क़सम खाओ कहा था ना
कहा तो था कि बाहर के नज़ारे ख़ूबसूरत हैं मगर सच है
ये सब परछाइयाँ हैं इन से दिल अपना न बहलाओ कहा था ना
कहा ये भी था दुश्मन तेज़ है ‘अय्यार है तर्रार-ओ-शातिर है
तुम अपने हाथ से अपने लिए मत जाल फैलाओ कहा था ना
मिरी बातें हमेशा ही तुम्हें यूँही सी लगती हैं तो मत सुनना
मगर कुछ हो ही जाए तो न पछताओ न घबराओ कहा था ना
कहा सब कुछ तो था उस दिन कहाँ लेकिन तुम्हें सुनना गवारा था
बलाओं से जो बचना हो मिरे दामन में आ जाओ कहा था ना
ख़बर है ना पता है ना ये दामन धूप से तुम को बचा लेगा
कि अब तो मेरी बातों पर यक़ीं कर लो इधर आओ न पछताओ कहा था ना
havā.eñ be-‘ināñ haiñ aaj ghar se duur mat jaao kahā thā nā
agar jaao chale jaanā magar jaldī hī lauT aao kahā thā nā
kahā thā nā ye duniyā kab kisī kā saath detī hai farebī hai
kisī par mat yaqīñ karnā zarā socho qasam khaao kahā thā nā
kahā to thā ki bāhar ke nazāre ḳhūbsūrat haiñ magar sach hai
ye sab parchhā.iyāñ haiñ in se dil apnā na bahlāo kahā thā nā
kahā ye bhī thā dushman tez hai ‘ayyār hai tarrār-o-shātir hai
tum apne haath se apne liye mat jaal phailāo kahā thā nā
mirī bāteñ hamesha hī tumheñ yūñhī sī lagtī haiñ to mat sunñā
magar kuchh ho hī jaa.e to na pachhtāo na ghabrāo kahā thā nā
kahā sab kuchh to thā us din kahāñ lekin tumheñ sunñā gavārā thā
balāoñ se jo bachnā ho mire dāman meñ aa jaao kahā thā nā
ḳhabar hai nā pata hai nā ye dāman dhuup se tum ko bachā legā
ki ab to merī bātoñ par yaqīñ kar lo idhar aao na pachhtāo kahā thā nā
ہوائیں بے عناں ہیں آج گھر سے دور مت جاؤ کہا تھا نا
اگر جاؤ چلے جانا مگر جلدی ہی لوٹ آؤ کہا تھا نا
کہا تھا نا یہ دنیا کب کسی کا ساتھ دیتی ہے فریبی ہے
کسی پر مت یقیں کرنا ذرا سوچو قسم کھاؤ کہا تھا نا
کہا تو تھا کہ باہر کے نظارے خوب صورت ہیں مگر سچ ہے
یہ سب پرچھائیاں ہیں ان سے دل اپنا نہ بہلاؤ کہا تھا نا
کہا یہ بھی تھا دشمن تیز ہے عیار ہے طرار و شاطر ہے
تم اپنے ہاتھ سے اپنے لیے مت جال پھیلاؤ کہا تھا نا
مری باتیں ہمیشہ ہی تمہیں یوں ہی سی لگتی ہیں تو مت سننا
مگر کچھ ہو ہی جائے تو نہ پچھتاؤ نہ گھبراؤ کہا تھا نا
کہا سب کچھ تو تھا اس دن کہاں لیکن تمہیں سننا گوارا تھا
بلاؤں سے جو بچنا ہو مرے دامن میں آ جاؤ کہا تھا نا
خبر ہے نا پتہ ہے نا یہ دامن دھوپ سے تم کو بچا لے گا
کہ اب تو میری باتوں پر یقیں کر لو ادھر آؤ نہ پچھتاؤ کہا تھا نا