बदलती रुत पे हवाओं के सख़्त पहरे थे
लहू लहू थी नज़र दाग़ दाग़ चेहरे थे
ये राज़ खुल न सका हर्फ़-ए-नारसा पे मिरे
सदाएँ तेज़ बहुत थीं कि लोग बहरे थे
वो पूजने की सियासत से ख़ूब वाक़िफ़ था
वही चढ़ाए जो गेंदे के ज़र्द सेहरे थे
जो भाई लौट के आए कभी न दरिया से
उन्हीं के बाज़ू क़वी थे बदन इकहरे थे
उसी सबब से मिरा अक्स टूट टूट गया
उस आइने में कई और भी तो चेहरे थे
समुंदरों का वो प्यासा था और ओस थी मैं
वो अब्र लौट गया जिस के लब सुनहरे थे
इन आँचलों पे कोई सज्दा-रेज़ हो न सका
कि जिन के रंग बहुत शोख़ और गहरे थे
समाअ'तों के धुँदलकों में खो गए 'शबनम'
वो सारे लफ़्ज़ जो पलकों पे आ के ठहरे थे
badaltī rut pe havāoñ ke saḳht pahre the
lahū lahū thī nazar daaġh daaġh chehre the
ye raaz khul na sakā harf-e-nārsā pe mire
sadā.eñ tez bahut thiiñ ki log bahre the
vo pūjne kī siyāsat se ḳhuub vāqif thā
vahī chaḌhā.e jo geñde ke zard sehre the
jo bhaa.ī lauT ke aa.e kabhī na dariyā se
unhīñ ke baazū qavī the badan ikahre the
usī sabab se mirā aks TuuT TuuT gayā
us aa.ine meñ ka.ī aur bhī to chehre the
samundaroñ kā vo pyāsā thā aur os thī maiñ
vo abr lauT gayā jis ke lab sunahre the
in āñchaloñ pe koī sajda-rez ho na sakā
ki jin ke rañg bahut shoḳh aur gahre the
samā.atoñ ke dhuñdlakoñ meñ kho ga.e 'shabnam'
vo saare lafz jo palkoñ pe aa ke Thahre the
بدلتی رت پہ ہواؤں کے سخت پہرے تھے
لہو لہو تھی نظر داغ داغ چہرے تھے
یہ راز کھل نہ سکا حرف نا رسا پہ مرے
صدائیں تیز بہت تھیں کہ لوگ بہرے تھے
وہ پوجنے کی سیاست سے خوب واقف تھا
وہی چڑھائے جو گیندے کے زرد سہرے تھے
جو بھائی لوٹ کے آئے کبھی نہ دریا سے
انہیں کے بازو قوی تھے بدن اکہرے تھے
اسی سبب سے مرا عکس ٹوٹ ٹوٹ گیا
اس آئنے میں کئی اور بھی تو چہرے تھے
سمندروں کا وہ پیاسا تھا اور اوس تھی میں
وہ ابر لوٹ گیا جس کے لب سنہرے تھے
ان آنچلوں پہ کوئی سجدہ ریز ہو نہ سکا
کہ جن کے رنگ بہت شوخ اور گہرے تھے
سماعتوں کے دھندلکوں میں کھو گئے شبنمؔ
وہ سارے لفظ جو پلکوں پہ آ کے ٹھہرے تھے